Responsabilizan a Hidralia da violencia contra as mulleres en Barillas (Guatemala)
As manifestantes despregaron unha faixa en María Pita e despois levaron a súa protesta á sede da empresa coruñesa e á casa de Francisco Vázquez, ao que acusan de beneficiar o empresario Luís Castro Valdivia.
O Foro da Inmigración alerta do inicio dun "cambio de modelo sanitario”
A entidade espera que a Consellaría de Sanidade, coa que se reúnen este venres, lles ofreza unha alternativa para evitar que as persoas migrantes sen regularizar perdan o seu dereito á saúde. Pero máis aló deste "apaño", reclaman xunto a S.O.S. Sanidade Pública e á Asociación Galega de Medicina Familiar a modificación da norma estatal, para garantir o dereito universal.
Os tribunais amárganlle a Feijoo o final de agosto
PSdeG-PSOE, BNG, Anova e Compromiso solicitan a súa comparecencia para que dea explicacións públicas sobre a revogación da anulación do concurso eólico e sobre os concertos educativos con centros que segregan os alumnos por xénero. A convocatoria electoral en Euskadi ou as preferentes tamén afectan aos plans do Presidente da Xunta.
Comeza a batalla para que a cidadanía coruñesa teña unha licenza de radio
A emisora comunitaria Cuac FM, que leva emitindo dende 1996, preséntase ao concurso para acadar unha frecuencia comercial, ao tempo que segue reclamando que a administración reserve espazos para as entidades sen ánimo de lucro. Inicia unha campaña de crowdfunding para recadar 12 mil euros e prepara accións divulgativas e de contacto con formacións políticas e colectivos sociais.
Cuac pelexará por unha licenza de FM, aínda que a Xunta exclúe as radios comunitarias
O concurso público para a concesión de 84 licenzas de emisión en frecuencia modulada está na práctica restrinxido ás emisoras comerciais, pero a entidade coruñesa presentarase á convocatoria como unha forma de reivindicar os medios de comunicación realizados por e para a cidadanía.
O BNG loitará no Parlamento Europeo pola prohibición do uso de cianuro en minas
A nacionalista Ana Miranda e o eurodeputado alemán Reinhold Butiköfer, que se reuniron este sábado con membros da Plataforma en Defensa de Corcoesto, traballarán na Comisión de Industria e Enerxía para evitar proxectos coma o da empresa Edgewater. Na actualidade a lexislación europea recomenda non empregar cianuro, pero aínda non o prohíbe.
Reforma enerxética: prexuízo para os consumidores, beneficio para as empresas
Economistas frente a la crisis analiza as medidas apuntadas polo Goberno central e afirma que o incremento impositivo será pagado polos cidadáns con incrementos de prezos, mentres que as grandes empresas produtoras (agás as de enerxías renovables) sairán beneficiadas
O 12% dos fogares galegos xa chega "con moitas dificultades" a final de mes
O IGE publica os datos da súa enquisa trimestral, que amosa un novo descenso na confianza dos consumidores e na valoración da situación financeira persoal e xeral. Aumentan as familias que tomaron medidas para reducir gastos, pero tamén se incrementan as que di que se permitiron ou se van permitir "algún extra".
O Goberno central pídelle á USC que anule unha convocatoria de 16 prazas de profesor
O Ministerio de Facenda anuncia a interposición dun recurso contencioso-administrativo baseado no decreto do 30 de decembro do pasado ano, que prohibe a contratación de novo persoal.
A CIG proporalles a CC.OO. e UGT convocar unha folga xeral en setembro
Suso Seixo afirma que no caso de non chegar a un acordo, o sindicato mantería a convocatoria, neste caso unicamente con outras centrais nacionalistas. A CIG convoca, ao igual de CC.OO. e UGT, manifestacións contra os recortes para o vindeiro xoves 19.
ADICAE pediralle á UE que lles dea unha solución favorable ás preferentes
Despois de que o memorando que expón as condicións do rescate financeiro limitase os cartos que os bancos lles poden devolver aos afectados, a asociación levará a reivindicacións ás institucións comunitarias. O escándalo é destacado polo Wall Street Journal.
Cada familia pagará 500 euros máis ao ano pola suba do IVE
As asociacións de consumidores alertan de que o incremento do imposto indirecto vai supor un freo na capacidade de compra dos fogares, o que para a meirande parte dos expertos suporá un freo á recuperación económica a curto prazo. Tamén criticaron a medida, que sitúa o IVE de España por riba da media da zona euro, os labregos, os autónomos e o sector turístico.