Marcos Pérez Pena

Xa se pode ver na rede o documental Un traballador do século XX, presentado hai dúas semanas no MARCO de Vigo, e realizado a partir das memorias de Manuel Barros, O rapás da aldea. Memorias dun traballador (1918-1976). Falamos co seu fillo, o historiador Carlos Barros.

Os restos desta embarcación, cuxa orixe aínda non foi datada con certeza, poderían corresponder a unha época post-medieval, segundo a Sociedade Cultural Columba, que denuncia que os responsables de Patrimonio non tomasen decisión ningunha para investigalos ou protexelos.

Este xoves proxéctase no Ágora da Coruña Febrero, el miedo de los galgos, o documental da catalá Irene Blánquez que amosa as difíciles vidas destes animais, que os cazadores abandonan cada ano nun número superior aos 50 mil en toda España. Falamos coa súa directora.

Fernando Pereira publica Rosalía de Castro: Imaxe e realidade (Xerais), o primeiro estudo iconográfico dedicado á poeta. O autor salienta que a pesar da importancia da icona, non foi até hai pouco que comezou a haber un verdadeiro traballo de reflexión e reinterpretación sobre a súa imaxe.

Os responsables do Náutico rodearon cun valo o espazo no que se realizarán as obras de construción dun pantalán privado, criticado polos veciños, o Concello e recorrido ante a Xustiza. Nas últimas semanas houbo varios episodios de tensión entre os veciños e a seguridade privada que vixila a maquinaria.

A Plataforma Sarriana polo Río reitera as súas denuncias ante a ausencia de diálogo por parte do Concello e amósase convencida de que a decisión corresponde ao Ministerio de Medio Ambiente de Arias Cañete. Os responsables das obras recibiron orde de non cortar máis árbores este martes.

O número de persoas dedicadas a esta actividade en Galicia creceu un 10% o pasado e achégase aos catro mil. Atrae a cada vez máis mozos e mozas, nun momento de aumento de prezos e demanda de mel e outros produtos das colmeas.

Grupos ecoloxistas e colectivos veciñais buscan deste xeito paralizar o plan de remodelación urbanística. Este domingo un milleiro de persoas manifestáronse contra un proxecto "ineficaz contra as inundacións", que ademais do prexuízo medioambiental supón "un malgasto de cartos públicos". Vídeo no interior.

AELG, AGE e Gálix fan público o manifesto A cultura galega, a nosa angueira, moi crítico coa xestión do Goberno galego. De igual xeito, a Asociación Galega de Profesionais da Xestión Cultural organiza o vindeiro martes en Compostela un novo debate sobre as estratexias a seguir.

A Asociación Empresarial Eólica destaca que a pesar das restricións introducidas polo Goberno, en xaneiro o vento produciu o 30% da enerxía xerada en España e que existe unha correlación inversa entre a produción eólica e o prezo do mercado diario. Anuncian accións legais contra o Executivo de Rajoy.

En xuño celebrarase en Celanova e Cartelle o I Festival Internacional Carlos Velo, un encontro de cinema centrado en curtametraxes, de ficción e documentais, sobre o mundo rural. Falamos cos seus responsables, Aser Álvarez (Arraianos) e Inés Vázquez (Lareira POP)

Galicia, Mellor Sen Touradas e a Fondation Franz Weber presentan unha proposta para que as instalacións, hoxe case sen uso, acollan todo tipo de actividades culturais, proxectos artísticas e iniciativas empresariais emprendedoras, seguindo o exemplo de Barcelona, Tarragona ou Cartagena.