Marcos Pérez Pena

Lugo acollerá este venres a Xornada da Asociación Galega de Apicultura sobre o papel das abellas na economía e sostibilidade do medio. Os organizadores sinalan, entre outros datos, que a apicultura dá traballo a 3.500 persoas no noso país, cunha facturación anual de 12 millóns de euros. Ademais, salientan que a actividade das abellas afecta o 76% da alimentación, influíndo en “sectores piares da economía como a agricultura ou a gastronomía”.

Publícase A tribo toda baila, un disco dobre cunha escolma de vinte cancións dos Resentidos e as correspondentes versións de bandas galegas actuais (de The Homens a Ruxe-Ruxe, pasando por Emilio José ou El Puto Coke) que conmemora 30 anos de música feliz da banda liderada por Antón Reixa. Un anticipo do concerto de homenaxe que o sábado 12 de maio terá lugar en Ourense, con tres dos cinco resentidos orixinais e a participación de Budiño, Bieito Romero, Uxía, Xurxo Souto, Julián Hernández, Miguel Costas, Tonhito de Poi ou Xosé Manuel Pereiro.

Iniciamos con Camilo Nogueira unha serie de entrevistas para reflexionar ao redor dos 30 anos de autonomía e de actividade do Parlamento galego. Nogueira foi o deputado máis activo nas dúas primeiras lexislaturas, un período no que se construíu boa parte do entramado institucional e simbólico do autogoberno de Galicia. Falamos con el deste traballo, do actual proceso de recentralización do Estado e da actualidade política galega.

CC.OO. e UGT por unha banda, e CIG pola outra, reúnen milleiros de manifestantes en toda Galicia. A Coruña acolleu os actos centrais dos tres sindicatos. CC.OO. e UGT reclámanlle ao Goberno que abra un proceso de negociación "para cambiar a fondo" a reforma, mentres que a CIG chama a unha folga xeral na primeira quincena de xuño. Galería de imaxes e audios no interior.

O Goberno gastou máis de 32 mil euros o pasado ano na seguridade do inmoble, en virtude dun convenio que tamén exime os Franco de abrir o Pazo (declarado BIC) ao público cando se atopen alí. O Valedor do Pobo remitiulle á CRMH, en resposta a unha queixa presentada en setembro, o informe emitido pola Dirección Xeral do Patrimonio.

Na xuntanza que a asociación celebrará este luns o rexedor socialista de Castrelo do Val, Vicente Gómez, exporá o seu malestar, que comparte co concello da Mezquita, tamén do PSOE, mais tamén con algúns edís do PP próximos a Baltar, coma os de Cualedro, Monterrei, Laza e Oímbra. O programa ten un orzamento de 2'5 millóns de euros e gastou xa 300 mil euros -sen resultados visibles- e no 2012 gastará 900 mil.

As manifestacións, convocadas por CC.OO. e UGT, fixeron especial fincapé ademais nos dereitos dos maiores e pediron que a oposición se una nunha alternativa "plural pero unitaria". Galería de imaxes no interior

A obra de Chévere, realizada en tempo real durante os últimos días, coa participación de alumnos do I.E.S. A Cachada de Boiro, e con todas as ferramentas das redes sociais (youtube, twitter, tuenti, actuable...) ao seu alcance, finaliza cun rotundo éxito. A obra 2.0 pode ser o agromo de experiencias semellantes, de novos formatos e mesmo de residencias artísticas virtuais en redenasa.tv

A Asamblea Aberta de Ourense entregou o escrito na Fiscalía Anticorrupción, nun acto no que Miguel Quinteiro, ex traballador de Caixanova e membro de Attac, denunciou o proceso de bancarización das caixas e a acción dos consellos de administración das entidades, que facilitaron a "conversión nun banco especulativo".

Nas últimas semanas presentaron novos traballos Ruxe-Ruxe, Zënzar e Machina. Dende Aríns e Cerceda, levan anos (25 no caso de Zënzar) facendo ruído por toda Galicia, con letras e guitarras afiadas, antes e despois do bravú, antes e despois do indie. Falamos con eles das súas traxectorias, dos seus últimos discos e do futuro. Praza regálavos dúas entradas dobres para o concerto de presentación do no álbum de Zënzar, o 5 de maio en Ordes.

O presidente da Deputación ourensá acusou este mércores a eurodeputada Ana Miranda de “fabricar unha noticia que non existe”, que contesta que o único que fixo foi "trasladar a opinión pública a información facilitada pola Comisión Europea".

Volven Los Enemigos. Despois de dez anos da súa xira de despedida, regresan nunha revolta que os traerá dúas veces a Galicia: a finais de xuño no Derrame Rock de Ourense, e este venres en Vilagarcía, nun Festival do Norte que reúne un ano máis unha selección do mellor pop do Estado: Fangoria, Love of Lesbian, La Casa Azul, Klaus & Kinski, El Columpio Asesino, Pegasvs ou os composteláns Disco las Palmeras. Falamos con Chema, batería da banda.