Podemos abre a porta á Marea Galega polo "particular ecosistema político" do país
Pablo Iglesias non descarta un espazo de confluencia amplo ao xeito das mareas de cara ás autonómicas en Galicia, onde ve "particularidades e matices" ao igual que en Cataluña, malia reclamar que a súa formación sexa "o paraugas da referencia do cambio" a nivel estatal.
O cambio político acabará de vez coas rúas franquistas na Coruña
O novo goberno da Marea Atlántica cumprirá a Lei da Memoria Histórica e asumirá o compromiso adquirido polas forzas progresistas coa CRMH. Máis de vinte viais manteñen denominacións que fan alusión á ditadura fascista malia o acordo plenario para a súa eliminación de hai seis anos.
Cuiña: "Gustaríame unha marea de nacionalistas e non nacionalistas de cara ás xerais"
ENTREVISTA Rafael Cuiña será o novo alcalde de Lalín logo de que o PP perdese a maioría absoluta. Asegurada a súa investidura, negocia agora un goberno progresista xunto a outras tres forzas. Nesta entrevista, analiza a súa vitoria, o auxe das mareas e a situación de Compromiso por Galicia.
O boicot á reválida triunfa en Primaria cun alto absentismo
O rexeitamento da comunidade educativa á proba imposta pola Lomce provoca que ata o 60% do alumnado chamado a realizala non acudise ás aulas, segundo datos das anpas. A Xunta redúceo a un 20% mentres sindicatos, familias e docentes insisten no "innecesario" e "aberrante" dos exames.
O 24-M converte a Louzán en presidente do fútbol galego a xornada completa
O aínda presidente en funcións anuncia que non permanecerá na Deputación de Pontevedra de confirmarse o acordo entre PSdeG e BNG. Deixará o cargo tras máis dunha década de influente poder e logo de asegurar hai seis meses a dirección da Federación Galega de Fútbol.
Os barrios populares e de xente nova nutren de votos ás mareas en Santiago e A Coruña
Compostela Aberta e a Marea Atlántica recuperaron para a esquerda as zonas máis obreiras e foron moi maioritarias nos de nova construción e con máis mocidade. O PP mantesne como primeira forza no centro e no Ensanche pero con diferenzas moito menores ás doutros comicios.
A Marea Atlántica imponse por catro votos ao PP, que se aferra ás impugnacións
Co 100% escrutado, a plataforma cidadá confírmase como a forza máis votada na Coruña logo de que os populares paralizasen o reconto o domingo coas súas reclamacións en quince mesas. Negreira aínda parece confiar en que o PSOE lle facilite a alcaldía.
A Coruña confíalle o cambio á Marea Atlántica, que gobernará a cidade
A plataforma cidadá supera as expectativas e convértese na lista máis votada na cidade, onde o PP perde a maioría absoluta e catro concelleiros. Xulio Ferreiro será o novo rexedor e podería gobernar en minoría ou optar por un acordo co PSdeG, que queda en 6 edís. O BNG mantén un.
A destitución dunha supervisora no Chuac provoca a 'revolta' unánime do persoal
O sorpresivo cesamento da supervisora de enfermería causa o malestar xeralizado de compañeiros, médicos e traballadores do hospital, que denuncian a reacción "alterada e denigrante" do xerente da área sanitaria da Coruña. "Perdeu os papeis", din.
A loita de Beatriz Figueroa cumpre dous anos: "Estou igual de soa que daquela"
A avogada e xornalista enferma de cancro conseguiu no xulgado a incapacidade permanente, pero continúa á espera dun cambio lexislativo para unha maior protección para os doentes en tratamento. "Xa non podo máis", di, farta de esperar polo apoio dos grandes partidos e das administracións.
Castela e León dá un novo golpe ao galego ao botalo fóra do currículo de Bacharelato
A materia optativa de lingua galega pasa a ser "de libre configuración específica" e os alumnos que queiran cursala terán que aumentar o seu horario lectivo e acudir ao centro á tarde e sen transporte escolar. Colectivos do Bierzo piden axuda á Xunta e á RAG ante esta "discriminación".
"Devolvemos a ilusión á xente; na Coruña o domingo pode pasar algo moi grande"
ENTREVISTA Xulio Ferreiro mantén a prudencia pero sabe que a Marea Atlántica está en disposición de liderar a alternativa ao PP nunha cidade que ve "esperanzada" e "reenganchada" á política tras a irrupción dunha plataforma cidadá que "sacou á luz A Coruña real".