Miguel Pardo

Carlos Negreira inaugura o último día permitido o 40% dunha reforma na que seguen a traballar os obreiros, que teñen quendas de noite para axilizar os traballos, ao igual que na Terceira Rolda, trazado do que renegaba o alcalde e que foi aberto oito anos despois de que se colocase a primeira pedra.

O total investido desde o país en títulos de Bankia, cando a entidade xa falseara as contas, superaría os 60 millóns de euros. A derrogación das taxas xudiciais e a data límite fan que moitos pequenos investidores decidan agora acudir á xustiza.

ENTREVISTA Xurxo Álvarez foi reelixido esta fin de semana presidente de Fruga, que celebrou a súa segunda asemblea nacional, na que reclamou medidas ante a liberalización do mercado leiteiro e na que volveu pedir estar presente nas mesas de negociación que afectan o rural galego. 

O TS rexeita o recurso da RAG que pedía a anulación da norma, cuxos dous dos seus puntos claves xa foran anulados polo TSXG. O tribunal recoñece que o uso da lingua non é "igual ou equivalente ao do castelán" pero deslígao da política lingüística educativa da Xunta. 

Unha campaña por internet pídelle á directiva do club que cumpra coa súa promesa e recupere para a entidade coruñesa o equipo feminino, que gañou cinco Copas e foi o mellor conxunto do Estado nos anos 80. 

A sentenza rexeita unha reclamación colectiva e ditamina que as cláusulas abusivas destes produtos "son a súa propia definición" e que os folletos informativos que aseguraban unha rendibilidade fixa non se poden considerar publicidade en si mesmos. 

A plataforma cidadá decide este venres se repite a consulta ou pacta unha lista de consenso logo de que varios grupos acusasen a CxG dunha "carretaxe" de votos facilitada por un regulamento que non esixía o empadronamento na cidade nin ter asinado o manifesto. 

As firmas que traballan nos tramos da alta velocidade ata Ourense acumulan 200 despedimentos desde xaneiro, unha decisión que a CIG considera consecuencia dos "problemas de contratación pública" entre o xestor ferroviario e as UTE, ,ás que acusa de "condicións laborais miserentas". 

Un informe de Save the Children sitúa o país nun nivel "medio-baixo" en canto á igualdade de oportunidades dos nenos galegos no ensino. O estudo, baseado en varios indicadores, aproba as políticas públicas na comunidade a prol da equidade na escola, pero suspende as levadas a cabo fóra dela.

A Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago de Compostela e Vigo inician en maio unha iniciativa en rede que busca a socialización en galego dos máis pequenos e a implicación das familias na valoración positiva da lingua propia.

Outra sentenza do alto tribunal obriga a devolver máis de 2.000 euros a unha persoa que tributara en Galicia en 2008 logo de recibir a súa pensión e tras traballar en Alemaña. A referencia aos convenios bilaterais para evitar a "dobre imposición" anima os afectados a acudir á xustiza. 

Unhas 2.700 persoas formarán a Columna Galega nunha nova mobilización do 22M este sábado á que se deprazarán máis de 30 autocares desde o país. "Será de novo unha marcha masiva malia os atrancos e o apagón informativo", advirten desde a plataforma en Galicia.