Miguel Pardo

Pedro Sánchez e Patxi López insisten en que o regulamento do Congreso impide que os deputados da coalición galega formen grupo. Yolanda Díaz cre que a posición socialista supón "un golpe de estado" e Martiño Noriega asegura que, de consumarse o veto, terían que "tomar nota"

Un particular pon á venda nunha web a illa de San Vicente, na ría de Ortigueira, zona protexida e de enorme valor ambiental. O importe supón máis da metade do orzamento anual do Concello, que prevé nun futuro contactar con Xunta e Goberno central para intentar que pase a mans públicas

O colectivo médico que presentou a demanda contra a Xunta, en colaboración coa Plataforma de Afectados, mantén que varios doentes morreron mentres Sanidade atrasaba a autorización do tratamento. "É a confirmación de que era verdade que se estaba deixando morrer xente", din os enfermos

Un apicultor de Viveiro eliminou 732 niños en 2015 coa súa nova empresa. José María Vázquez insiste na eficacia do sistema pero insta a que a loita se centre nos concellos e que estes empreguen xente en buscar os enxames. "Hai quen paga e hai quen os retira, pero falta quen os atope", di. 

Oslo revisa o caso dos milleiros de traballadores que cotizaron durante anos e non recibiron pensión ningunha e dará unha resposta nos vindeiros días. Un acordo bilateral entre o país nórdico e o Estado paralizaría a vía xudicial que manteñen aberta os afectados.

Os seis parlamentarios recollen as súas actas no Congreso lembrando que a formación galega "fixo os deberes" e non contemplan outra opción que non sexa formar grupo parlamentario. A coalición sitúa a política social e o dereito a decidir como condicións para un posible acordo co PSOE.

Un total de 160 localidades contan coa presenza desta especie invasora segundo os últimos datos da Xunta, aínda que os expertos insisten en que a realidade é moito peor. Os municipios afectados insisten en reclamar "máis medios, coordinación e persoal cualificado".

Anova reúnese con Podemos e advirte da "completa sintonía" nas "dúas patas" nas que se baseou o seu acordo: "a plurinacionalidade e o dereito a decidir e a temática social". Ambas formacións ven na conformación da Mesa do Congreso a "clave" para comprobar o devir político no Estado

A comunidade autónoma é a que sofre un maior incremento do desemprego, case todo concentrado na construción e na industria, con 3.650 persoas máis. O descenso interanual de 23.000 parados segue sen corresponderse co aumento de cotizantes, que non chega aos 20.000.

O organismo provincial decide non renovar o convenio coa localidade e xestionará o xacemento arqueolóxico logo das críticas ao exceso de visitas e á falta de control nesta xoia do megalitismo galego. Galería de imaxes no interior. 

Un estudio de arquitectura de Madrid lanza un proxecto para "revitalizar o patrimonio" e facer "rendibles" estas construcións converténdoas en aloxamento para turistas. Unha campaña de micromecenado procura financiamento para rehabilitar un cabazo en Ribadeo que sirva como modelo 

O Encontro Cidadán cre "urxente" dotar a En Marea de "procesos participativos" abertos e maior transparencia, mentres as plataformas municipalistas coinciden en que "o camiño" é "agrandar" e "potenciar" o espazo e facelo "máis inclusivo".