Miguel Pardo

Outra sentenza do alto tribunal obriga a devolver máis de 2.000 euros a unha persoa que tributara en Galicia en 2008 logo de recibir a súa pensión e tras traballar en Alemaña. A referencia aos convenios bilaterais para evitar a "dobre imposición" anima os afectados a acudir á xustiza. 

Unhas 2.700 persoas formarán a Columna Galega nunha nova mobilización do 22M este sábado á que se deprazarán máis de 30 autocares desde o país. "Será de novo unha marcha masiva malia os atrancos e o apagón informativo", advirten desde a plataforma en Galicia. 

O traballador do Acuario coruñés, clave na investigación da presunta trama corrupta, sufriu "acoso" e "acurralamento laboral" por "ter colaborado coa Xustiza", segundo De Lara, que denunciou tamén a súa detención "anómala" e o "asañamento periodístico" para "prexudicalo".  

ENTREVISTA Xosé Mosquera é o candidato á alcaldía pola plataforma Ourense en Común, logo de vencer nunhas primarias con máis de 1.500 participantes. Membro de CxG, aposta por "mudar o xeito de facer política" e aclara que só milita "en dous sitios: en Ourense e na idea de país". 

De Lara sospeita que os enchufes de Julio Flores tiñan o "consentimento" do alcalde da Coruña e investiga posibles delitos de "tráfico de influencias e suborno". Aclara que o número dous do goberno local tiña unha "lista para contratar" e "non actuaba illadamente", senón co "coñecemento" do rexedor.

PP e PNV rexeitan as emendas á totalidade da reforma da Lei de Hidrocarburos, que impide o rexeitamento das autonomías á fractura hidráulica. O BNG advirte que Galicia "quedará a expensas do que decida Madrid" e censura as compensacións que pretenden "acalar a protesta social". 

As exixencias da Liga aos clubs para acabar cos colectivos ultras nos estadios inclúen tamén a orde de que os recintos deportivos "queden para as expresións de apoio aos equipos" e reclaman que "en ningún caso" se permitan símbolos "alleos ao deporte". 

A Columna Galega tivo que suspender a viaxe en ferrocarril tras as trabas impostas pola compañía e logo dun preacordo para contratar dous trens, cuxo importe por persoa foi duplicado. O 22M galego responde con 30 autobuses que sairán desde diversos puntos á manifestación de Madrid.  

ENTREVISTA Higinio Mougán, director xerente da Asociación Galega de Cooperativas Agrarias (Agaca), analiza o panorama de "dúbidas e incerteza" que se lle abre ao sector leiteiro coa fin das cotas lácteas previsto para o vindeiro 1 de abril. "Temos moitos deberes sen facer", di. 

As ondas e mareas vivas destrúen un importante enclave arqueolóxico de Estabañón, nunha praia de Viveiro, que conta cunha "ridícula" protección mediante lonas. O SOS lanzado por varias entidades da zona hai unha semana segue sen ser atendido. "Nin o agardamos. Non hai interese", din. 

Os populares rexeitan tomar en consideración a ILP da CIG para a restitución dos dereitos laborais e salariais do profesorado e presumen de modelo lingüístico. O conselleiro de Educación pide volver ao consenso pero aclara que "o coñecemento do galego está garantido no ensino". 

ENTREVISTA José Antonio Barbeito Mancusi, porteiro galego en Abu Dhabi, foi declarado mellor xogador dun torneo onde as seleccións galegas estrearon a oficialidade nun campionato internacional ao que os deportistas acudiron pagando case todos os gastos do seu peto.