Miguel Pardo

A factoría de Begano na Coruña, con 360 traballadores, sería unha das catro que cerraría a multinacional, que prevé atender desde Madrid o mercado galego. O comité agarda novas pero recoñece o "temor" ante o duro plan de axuste.

A CRMH da Coruña convida os grupos municipais da comarca a que presenten mocións para que os municipios apoien o proceso xudicial aberto en Arxentina contra a ditadura fascista. A iniciativa prevé estenderse ao resto de Galicia.

Colectivos de afectados pola hipoteca iniciarán a recollida de sinaturas para unha iniciativa que propón unha lei de vivenda baseada no modelo andaluz. Levarán a cabo unha campaña que prevé "concienciar" a sociedade e lograr que a oposición "asuma" as súas iniciativas.

Varios clientes denuncian que as entidades cobran penalizacións a xubilados que deixan de domiciliar a pensión do seu cónxuxe falecido. Adicae recoñece que é un caso habitual e que adoita cebarse "nos que menos teñen".

Comezaron este luns a protesta na Coruña menos dun mes despois de rematar a anterior. Pretenden "rachar o silencio" que rodea a violencia machista e denunciar "represalias" polas súas denuncias e a "falta de aplicación" das leis.

A Confederación de Anpas Galegas preséntase este martes en Compostela e aclara que "non nace por oposición a ninguén".

O borrador final, que será votado o día 16, non conta co apoio de dous dos tres membros da misión que visitou Galicia, que piden que se eliminen as recomendacións aprobadas. BNG e IU censuran que o texto só pretenda "lavarlle a cara ás administracións". Consulte o informe e as emendas no interior.

Oito delas comezan outra protesta o vindeiro luns, tras a que remataron hai menos dun mes, para denunciar "a normalización social e mediática da impunidade" dos maltratadores e contra a "fría inoperancia e desprezo" das institucións.

A executiva decide non ratificar o acordo alcanzado coa Xunta a pasada semana ante a falta de consenso e logo de que os socialistas o considerasen "insuficiente"  unha medida que, ao igual que os nacionalistas, consideran tan só "un parche".

O Goberno propón a centralización e a eliminación do defensor, do servizo meteorolóxico ou do órgano fiscalizador, ademais de recortes no Inega ou a fin do Consello da Xuventude ou do Observatorio da Infancia. Consulte o informe no interior.

Serafín González, presidente da SGHN, analiza o informe presentado ante a Comisión Europea no que se denuncia o Goberno galego pola degradación dos espazos naturais incluídos ou candidatos á Rede Natura e advirte da gravidade da situación.

A Mesa pide aos reitores das tres universidades que "tomen cartas no asunto" e denuncia que a Xunta "non reaccionase" aínda logo de que o Goberno negase unha bolsa a unha alumna por adxuntar o seu certificado de estudos na lingua propia.