Patio de Luces: As novas máis salientables (ou non) de maio
Cada fin de mes Diego Giráldez sae tender as novas máis salientables (ou non) do mes. Velaquí as de maio.
O PP vota na Deputación de Lugo a prol da tarifa eléctrica galega que rexeitou no Parlamento
Os conservadores apoian unha iniciativa en defensa da factoría de Alcoa en San Cibrao que inclúe a reclamación dunha tarifa galega. O pasado outubro consideraron no Parlamento que unirse a esa petición supuña avogar por unha "Galicia illada".
VÍDEO | 'Galería de saldos', primeiro tráiler dun libro galego en realidade virtual
O escritor e xornalista Diego Giráldez lanza o 'booktrailer' do seu primeiro traballo literario, que vén de ser distinguido co premio Manuel Murguía.
Olloboi, a canteira do audiovisual galego
234 traballos de 59 centros de ensino de toda Galicia participaron na sétima edición dun festival que non deixa de crecer. O certame entregou os seus premios esta fin de semana en Boiro
O Encontro Europeo da MMM denuncia dende Vigo o trato da UE ás persoas refuxiadas
Feministas de todo o continente pecharon este domingo tres xornadas de debates coa aprobación dunha Declaración final e a escolla dun novo Secretariado, formado por representantes de Galicia, Portugal, Kurdistán, Turquía e Francia
As anpas reclaman un modelo de comedores único, gratuíto e xestionado pola Xunta
A Federación de Anpas de Compostela celebrou esta fin de semana as I Xornadas sobre comedores escolares, nas que tamén apostaron por alimentos preparados "na proximidade do tempo e do espazo", preferiblemente con cociñas propias en cada centro.
PSdeG, AGE e BNG recollen as demandas do MGSM para unha mellor atención á saúde mental
O Movemento Galego da Saúde Mental celebrou este sábado as súas III Xornadas anuais, nas que reclamou unha maior implicación política para acadar atención sanitaria e social digna e pediu un Plan Galego de Prevención do Suicidio e recuperar o Plan Estratéxico de Saúde Mental
Os sindicatos denuncian presións de Sanidade para facer fracasar a folga de inspectores de saúde
CIG, CCOO, CSIF e UGT alertan de que a Consellaría leva a cabo "ameazas" e “ordes ilegais”, obrigando a realizar a totalidade do traballo con tan só a metade do persoal, no marco dun paro indefinido iniciado o 18 de maio.
Leiceaga: "Estamos todos xuntos nun obxectivo, que é derrotar o PP nas eleccións do outono"
O candidato do PSdeG-PSOE á Presidencia da Xunta, destaca que se consegui facer do proceso socialista de primarias "un exemplo para a política en Galicia". Pide "renovar a oferta" da formación para "conectar" coa sociedade.
O Comité Cidadán cualifica Reganosa de "timo á cidadanía"
A plataforma rexeita as xustificacións nas que o Goberno en funcións basea a decisión de permitir á plata de gas eludir a avaliación de impacto ambiental e lembra que "nos custa preto de 60 millóns de euros ao ano". Celebrará un acto público de reivindicación o vindeiro xoves
Amnistía Internacional naceu falando portugués
O 28 de maio de 1961 o avogado inglés Peter Benenson publicou un artigo, titulado "Os presos esquecidos", que daría orixe meses despois á organización. O texto estaba motivado pola detención de dous estudantes portugueses en Lisboa, acusados de berrar "Viva a Liberdade".
Leiceaga gaña as primarias e será o candidato do PSdeG
O economista, cun 55,67% dos votos, impúxose en Pontevedra, Ferrol e Vilagarcía e na maior parte das comarcas rurais. Mentres, Méndez Romeu (44,33%) obtivo máis apoios en Vigo, A Coruña e Ourense. A participación chegou ao 65%, cun total de 6.500 sufraxios