Sarria amosará unha escolma do mellor cine galego recente
O evento, dirixido por Alberte Blanco, terá lugar do 26 ao 28 de febreiro. Exhibiranse unha ducia de filmes, premiados en festivais de todo o mundo, coa participación dunha decena de directores e directoras.
'Loba', filme sobre o parto natural convertido en fenómeno social, chega a Galicia
A película proxectarase a vindeira semana en Vigo, Compostela e Ribadeo, coa presenza da súa directora, Catherine Béchard e o impulso de entidades locais pro-parto respectado e en defensa da lactación materna.
Política Lingüística promociona un concurso de relatos no que só se pode participar en castelán
O departamento da Xunta encargado da normalización do galego difunde un certame organizado pola Fundación Cela, de carácter público, no que se exclúen todas as linguas que non sexan a castelá.
O machismo volve asasinar en Galicia
Unha muller de 40 anos foi asasinada pola súa parella en Becerreá. Diversas mobilizacións condenarán o asasinato e a violencia machista este venres e o sábado.
Comeza a conta atrás para o Womex 2016
O evento celebrarase en Compostela do 19 ao 23 de outubro. Desde hoxe até o 15 de abril, artistas de todo o mundo poderán presentar as súas propostas musicais, que serán avaliadas por un xurado composto por sete expertos de todo o planeta
A Audiencia Nacional mantén a suspensión de actividades de Causa Galiza
O auto do xuíz Velasco acorda suspender as actividades da organización independentista durante un ano e mantén a imputación das nove persoas que foran detidas ao abeiro da operación 'Jaro'.
Aumentan as reaccións de apoio aos titiriteiros
As plataformas municipalistas da Coruña, Compostela, Barcelona e Zaragoza esixen a retirada dos cargos e din que "estamos ante unha estratexia para desestabilizar o Concello de Madrid". Jueces para la Democracia sinala que "non é propio dunha sociedade democrática perseguir penalmente a sátira"
Outro desaloxo en Vigo ante a falta de alternativas
Unha veciña de 50 anos, vítima de maltrato, e o seu fillo son desaloxados da vivenda que ocupaban ante a imposibilidade de acceder a un aluguer social e axudas. "É unha mostra fiel de que as administracións non son quen de actuar en casos de extrema necesidade", denuncia a ODS-Coia.
Riobóo mantén o pulso á dirección estatal e di que seguirá a liderar Podemos en Galicia
O aínda secretario xeral da formación entende que non ten por que presentarse ás primarias ao ser "xa escollido" polos afiliados no país e advirte do "poder de decisión" do partido morado na comunidade. Desde Madrid advírtenlle que está destituído.
Dous anos do desastre do Monte Neme e sen solucións á vista
O 10 de febreiro de 2014 rebentou unha das balsas de residuos da antiga canteira, provocando un vertido de 24 mil metros cúbicos de lodos, auga e pedras. Aínda non se levaron a cabo as actuacións de protección e rexeneración do lugar
Ferreiro chama desde Berlín a estender as 'cidades rebeldes' por Europa
O alcalde da Coruña avoga por ampliar a cooperación xa existente entre varios gobernos locais no Estado durante a súa participación no lanzamento do Movemento pola Democracia en Europa (DiEM 25), impulsado polo ex ministro grego de Economía, Ianis Varoufakis.
O PP aproba a Lei do Solo coa oposición frontal do resto dos grupos
PSdeG-PSOE, AGE e BNG denuncian que a norma se inspira "no modelo de liberalización e desregulación de Aznar", afirman que "nace morta" e comprométense a derrogala se nas vindeiras eleccións as forzas conservadoras non acadan a maioría en Galicia.