Praza Pública

A cementeira enfróntase xa a dous recursos de resposición da licenza municipal, unha denuncia ante a Policía Autonómica e as numerosas críticas ás supostas irregularidades que comete nunha explotación que dana un río, o Camiño de Santiago e o xacemento da Cova de Eirós.

No ano 2000 foi a principios de outubro. No ano pasado, o 20 de agosto. En 2014 chegamos ao Overshoot Day, o Día da Sobrecarga da Terra, o 19 de agosto. Galicia está entre o grupo de países que máis adebedan en termos ecolóxicos.

Anabad únese ás críticas dos bibliotecarios municipais ao préstamo de pago imposto por un real decreto que "fai recaer o peso da remuneración aos escritores sobre os que máis invisten en cultura e os que menos recursos teñen para facer un sobreesforzo".

A Plataforma Galega polo Dereito ao Aborto, CCOO, CIG-Saúde e UGT convocan a unha concentración o mércores no Hospital Xeral de Vigo para denunciar a "discriminación laboral" sufrida por unha muller á que se lle negou un posto por estar embarazada.

Son os tres finalistas do concurso de grupos emerxentes do festival, os máis votados polo público. O gañador, elixido por un xurado, darase a coñecer este domingo e actuará en Vilaxoán.

Trátase de tres estudantes do IV Seminario Xornalismo social e cooperación internacional impartido na USC. A iniciativa está promovida pola Asociación Galega de Reporteiros Solidarios (AGARESO) e a ONG Asemblea de Cooperación pola Paz (ACPP)

A Iniciativa Galega pola Memoria denunciou "a gravidade do acto, en claro desprezo á dignidade das persoas vítimas do franquismo, na defensa das liberdades e da xustiza social, como da orde constitucional naqueles intres"

Á aglomeración de xente e tráfico únese agora o costume dalgúns turistas de facer graffitis, raiar as pedras, escribir o seu nome nas rochas ou deixar croios sobre as covas. O Concello de Ribadeo reitera a necesidade de declarar parque natural a zona para conservala.

Devolve o proxecto á concesionaria por irregularidades, logo de meses de protesta veciñal contra a idea que prevía reducir un parque público para construír un novo acceso a un aparcadoiro privado.

A alcaldesa pídeo dúas semanas despois de permitir que se reinicien os traballos na canteira que hai sobre o xacemento. Contraminacción e AGE exixen a "paralización inmediata" da actividade e enumeran varios requisitos da licenza municipal que incumpre a empresa.

O templo parroquial de Labrada contén un conxunto de pinturas murais, posiblemente do século XVI, descubertas nos anos noventa e que corren perigo polo efecto da humidade.

A empresa pretendía trasladar á capital do Estado a sección de comercio electrónico, que opera dende San Cibrao e que rexistra importantes beneficios económicos. A sentenza do Xulgado do Social cre que a medida non está xustificada e impedirá a súa realización.