Praza Pública

A Plataforma pola Defensa do Dereito ao Aborto e a Plataforma para a Defensa da Sanidade Pública concentráronse na Coruña. As mulleres dos 37 concellos da área sanitaria coruñesa contan unicamente co COF de Orillamar

Este xoves continúa a feira musical do Womex, e comezan os concertos abertos ao público, na praza da Quintana de Compostela e noutros espazos da cidade. Esta noite, sons procedentes do Brasil, Cuba, Mongolia ou Cabo Verde.

A campaña de verán aumenta o número de ocupados en 25.800 persoas en Galicia, que conta con 5.500 máis que hai un ano tras un lixeiro incremento interanual do 0,54%.

A Consellería de Francisco Conde achega fondos a cinco empresas editoras de diarios impresos para difundir a actividade do seu departamento. Este xeito de financiar os medios, criticado polo Consello de Contas e diversos colectivos profesionais, é unha constante en Galicia dende os anos 80.

AGE e BNG cualifican de "farsa" a conmemoración e Besteiro cre que "o futuro do galego estaba máis garantido" con Fraga que agora. Vázquez di que o Goberno pouco pode facer nalgúns eidos "sen a implicaicón da sociedade" e Alonso Montero censura que o idioma sexa moitas veces de "uso litúrxico".

As Marchas da Dignidade presentan a manifestación coa que pretenden ocupar a praza reclamando de novo "pan, traballo e teito" e para "enfrontar o desemprego e a inxustiza que sofre a clase traballadora".

Participan unha aplicación para calcular rutas en transporte público, outra que facilita a audición a persoas con dificultades e un sistema de gravación automática para radios comunitarias. O traballo gañador do concurso coñecerase nun mes. 

Asinou un convenio de colaboración con Fiare, no marco dunhas xornadas informativas nas que participou o director de Operacións de Fiare Banca Etica, Juan Garibi. O acordo busca "situar as persoas no centro de todas as políticas públicas”

A formación compostelá de rock progresivo dos anos setenta, toda unha banda de culto, recibirá o galardón honorífico dos Premios Martín Códax da Música.

O auto do Xulgado de Sarria sinala que a Ponte Ribeira, de indubidable valor histórico e artístico, forma parte do BIC Camiño Francés. A Plataforma Sarriana lembra que a Xunta, "á que corresponde a protección do patrimonio cultural de Galicia", ignorou a súa defensa durante meses.

Rocío Mosquera obvia a iniciativa cidadá e condiciona aos ritmos dunha empresa a instalación dos equipamentos de radioterapia e medicina nuclear, prometidos por Feijóo xunto á sala de hemodinámica para o ano 2011.

Mondoñedo celebra esta fin de semana os días grandes das San Lucas, a feira máis antiga do país e unha das de maior traxectoria de toda Europa.