Ocupan a Finca do Espiño para reivindicala como espazo público
Un grupo de activistas e de candidatos de AGE realizan unha acción simbólica de ocupación e limpeza do predio compostelán. Acusan o alcalde Ángel Currás de levar a cabo "manobras dilatorias" que adian os traballos de rehabilitación do lugar.
Feijóo usa un mitin do PP para garantirlle a tarifa eléctrica a Alcoa
O candidato á reelección reúnese con representantes do persoal da factoría ao termo dun mitin en Foz para asegurar que o ministro de Industria xa asinou a orde para manter o prezo da electricidade para as plantas da multinacional metalúrxica
O Partido da Terra asume as propostas de acción política fronte á fin do petróleo
Véspera de Nada, que lles presentou un documento de propostas ás formacións polítícas, agarda que o resto de partidos amosen o seu parecer sobre este asunto.
"Quen nos dera ser automóbiles"
A Oficina de Dereitos Sociais de Coia lanza unha campaña que denuncia que, fronte aos recorte no gasto social, a Xunta gastará 11 millóns para patrocinar dous furgóns de Citroën ou que a industria da automoción "rabuña" 75 millóns do goberno central para axudas directas á compra de automóbiles.
Medidas claras para o fortalecemento da Sanidade Pública
A Plataforma SOS Sanidade Pública expón aos partidos que concorren ás eleccións unha serie de propostas para afianzar o sistema sanitario. A Plataforma Galega en Defensa dos Servizos Públicos convoca manifestacións o vindeiro luns "contra as políticas antisociais e regresivas que vén aplicando o PP".
A AELG pide ás candidaturas do 21-O a defensa da cultura galega para "evitar a súa ilegalización social"
Os escritores en lingua galega emite un comunicado coas súas reivindicacións aos partidos e reclama á cidadanía que "preste especial atención ás prospostas respecto do galego á hora de decidiren a opción política que a vai representar durante os próximos catro anos".
Nace a Alianza Social Galega, que agrupa a CC.OO, CIG e UGT e outras 60 organizacións
O vindeiro 18 de outubro presentará o seu manifesto fundacional. Configurase como "espazo plural e sectorial para a mobilización contra as políticas de recorte" da Xunta e nace para conformar un polo alternativo con vontade de permanencia, pero sitúa os seus primeiros obxectivos nas eleccións e na convocatoria dunha folga xeral en novembro.
O estudantado galego sae á rúa entre as proclamas centralizadoras de Wert
Preto de tres milleiros de estudantes maniféstanse en Galicia contra os recortes e a reforma educativa prevista polo Goberno central no 'Día de Loita Estudantil'. Os mozos censuran os axustes no ensino e as recentes palabras do ministro, que advertiu do obxectivo de "españolizar os alumnos cataláns".
O comité de Navantia pon fin ao peche pero anuncia novas mobilizacións
Os delegados sindicais acordan rematar co encerro no Concello de Ferrol tras a convocatoria da Comisión de Seguimento do dique flotante, que se celebrará xusto despois das eleccións. Unha grande manifestación pedirá carga de traballo o día 17.
O clásico: Palestina contra Israel
O blog Diario de Palestina analiza como se viviu nos territorios ocupados o enfrontamento -algo máis que deportivo- entre Barça e Madrido do pasado domingo.
O Goberno central obvia un bombeiro galego na homenaxe aos falecidos nos incendios
A asociación de traballadores do servizo contra incendios da Xunta "lamentan" que Rajoy non incluíse a Higinio Vivas, falecido en marzo nun lume en Castrelo do Val, no acto de recoñecemento celebrado en Madrid
O referendo de independencia de Escocia será en 2014 e terá unha soa pregunta
Os gobernos do Reino Unido e de Escocia anuncian un acordo sobre o plebiscito, que terá lugar no 700 aniversario da batalla de Bannockburn, como quería o SNP. Porén, Cameron consegue que as opcións se reduzan a si ou non á secesión, descartando unha opción intermedia que concedería máís autonomía a Edimburgo.