Xúlgase a Rajoy en Galicia ou non?
A primeira fin de semana da campaña pareceu xirar sobre o interese de Feijoo por afastar dos comicios galegos o exame á xestión do Goberno central e os intentos dos grupos da oposición para que os recortes, a xestión económica do Executivo e o probable rescate se convirtan no centro das eleccións.
Denuncian que o PP segue 'ocupando' ilegalmente o Clube Náutico de Camariñas
Hai meses a asamblea de socios acordou finalizar o contrato da concesionaria do bar da entidade, filla de Daniel Rego, voceiro dos populares no Concello. Pero estes néganse a abandonar o espazo.
PSdeG: "Se os galegos enfadados cos recortes votan cambio, haberá cambio"
Pachi Vázquez afirma que as súas enquisas revelan que "cada día máis" indecisos se están "pasando ao PSOE".
Beiras pide o voto para AGE para "abrir un novo ciclo histórico para o noso país"
Participou en mitins en Viveiro e Vilalba mentres que Yolanda Díaz estivo con Cayo Lara en Vígo e denunciou que Feijoo é apenas "o mando a distancia de Rajoy".
Jorquera: "España non está en perigo, o que está en perigo é Galicia"
Nun mitin en Cangas ante 300 persoas o candidato do BNG afirmou que "o pueo galego necesita moito máis que Euskadi e Catalunya ter máis capacidade de decisión".
Os herdeiros de Maside retiran os fondos do pintor da pinacoteca municipal de Vigo
Acusan o Concello de Vigo de "desatención" e de non difundir convenientemente o legado dun dos grandes representantes da xeración dos renovadores. O vindeiro 11 de outubro a familia retirará os 21 cadros que levaban corenta anos no museo municipal.
A Xunta Electoral prohíbe as manifestacións do Cumio Social en Ourense e Pontevedra
As marchas están convocadas por 150 organizacións, encabezadas por CC.OO. e UGT., para as oito da tarde deste luns nas sete cidades galegas, ademais de Vilagarcia e Burela. Este domingo o Cumio Social manifestouse en 57 cidades de todo o Estado contra uns Orzamentos marcados polos recorte nos dereitos básicos e pediu a dimisión do Goberno.
Os laboristas británicos revisan o seu ideario para atopar o seu espazo
O blogue Agenda Pública, unha rede de pensamento progresista (think net) publica unha análise do proceso que o Partido Laborista de Ed Miliband está levando a cabo para renovar o seu proxecto: centrarse nos nacidos despois de 1979, ter un proxecto claro de nation building e ir máis aló da ecuación socialdemócrata que establece que o crecemento permite a redistribución.
As sondaxes de La Voz e ABC aseguran unha vitoria de Feijoo
Coinciden en prognosticar unha clara maioria absoluta ao PP e outórganlle 39 e 40-41 escanos ao tempo que publican amplas entrevistas a Alberto Núñez Feijoo. Tamén auguran un forte descenso do PSdeG, que caería até os 22 (Voz) ou 18-19 (ABC). As dúas enquisas diverxen nos resultados restantes: La Voz dálle 12 escanos ao BNG e 2 a AGE. E ABC dálle 8 escanos ao BNG, 7 a AGE e 1 a CxG.
AGE: “Os cidadáns precisan ver a Méndez no banco dos acusados"
Martiño Noriega, Yolanda Díaz e Xosé Manuel Beiras participaron no acto de Alternativa Galega de Esquerdas en Teo. Beiras afirmou que "non se pode traizoar ao pobo sen que haxa consecuencias" e engadiu que “hoxe o partido popular soamente pode facer actos de campaña con seguridade e a porta pechada. O pobo non é imbecil”.
Jorquera reclama que Inditex tribute en Galicia
O candidato do BNG pide en Vigo un concerto económico para a nosa comunidade e asegura que o Goberno central recada cada ano en Galicia, "3.000 millóns de euros máis" do que despois achega.
As conexións a Internet en Galicia crecen o triplo ca no conxunto do Estado
No último ano as conexións no noso país aumentaron un 18%, o que permitiu que a fenda dixital coa media española se reducise en seis puntos. A proporción de usuarios da rede na cidades galegas xa é superior á media urbana estatal. Ademais, un 80,9% dos internautas galegos le xornais ou revistas en liña, 5,1 puntos por riba da media.