Continúa a lea no PP pola reforma enerxética
O PSOE pedirá a convocatoria de Montoro no Congreso para explicar cal é a posición do Goberno, despois do enfrentamento público que nos últimos días o ministro de Economía tivo co titular de Industria, José Manuel Soria. A Asociación de Produtores de Enerxías Renovables (APPA) considera que as medidas que o Goberno podería incluír na reforma enerxética terían consecuencias "desastrosas" para o sector.
A arriscada aposta da Vuelta
Carlos Selas e Xabier Rábade analizan en Elos e Canelas, o blog de ciclismo de Praza, o inicio da rolda, a máis montañosa e norteña dos últimos anos.
A FPG agardará ao que as asembleas de ANOVA decidan sobre a fronte de esquerdas
A formación reivindica a "vixencia da nosa liña histórica, que sempre mantivemos, de defensa e loita pola independencia e a soberanía nacionais ligada á loita da clase obreira"
Espolian catro xacementos arqueolóxicos na Mariña
A Asociación Mariña Patrimonio denuncia roubos de pedras e destrución de muros nos castros do Carreiro e Fazouro e nos xacementos da Pampillosa e de Estabañón. "Actuaron antes os espoliadores que a Xunta, responsable da conservación e protección do patrimonio tal e como recolle a lei", din
Este é o calendario das reformas esixidas polo rescate bancario
Os cambios no FROB, que este venres aprobará o Consello de Ministros, inician unha longa serie de medidas que o Goberno de Mariano Rajoy adoptará nos vindeiros catro meses para cumprir o memorando ditado pola troika.
Navarra garantirá a atención sanitaria ás persoas 'sen papeis'. E Galicia?
O Goberno Foral actualizará un decreto de 1996 para que as persoas migrantes que non teñan regularizada a súa situación manteñan o dereito á saúde, polo que no resto do Estado terán que pagar a partir do 1 de setembro.
O BNG pide unha "solución política" para evitar que os estafados polas preferentes perdan o 60% do seus cartos
O BNG instou á Xunta a impugnar o decreto que o Goberno central aprobará o venres, que segundo os nacionalistas imporá unha quita do 60% para os tenedores de participacións preferentes. Acusou, así mesmo, ao PP de "marear" coa arbitraxe.
O PP di agora que a comisión de investigación das caixas podería comezar o 1 de setembro
Pedro Puy anunciou que os populares veñen de rexistrar unha petición no Parlamento para poder constituíla, a pesar de que onte Antonio Rodríguez Miranda afirmara que non había "presa". O PSdeG-PSOE esíxelle a Feijoo que faga pública a auditoría sobre a fusión das caixas, "que pagaron todos os galegos".
O TSXG anula a decisión do PP de suspender o concurso eólico
O tribunal atende o recurso presentado por Aucosa Eólica, á que lle recoñece o dereito a esixir danos e prexuízos, e considera que non había razóns para adoptar esa decisión. Anova e BNG piden a dimisión do conselleiro de Industria polo prexuízo ocasionado a "un sector estratéxico de Galicia" e Compromiso esíxelle a Feijoo "responsabilidades políticas".
CIG e CC.OO. esíxenlle a Educación que rescinda os concertos cos centros que segregan por xénero
Os sindicatos apóianse nas dúas sentenzas do Tribunal Supremo que confirman a ilegalidade destes acordos. A central nacionalista propón que os cartos que agora se destinan a estes centros privados se destinen ás escolas e institutos públicos.
A Mostra de Teatro de Cee despídese para sempre por falta de apoios
Talía, organizadora das últimas edicións, deixará de facerse cargo do evento, que chega á 25ª edición, aludindo á falta de colaboración das administracións. A compañía abrirá e pechará a mostra, que comeza este xoves e rematará o domingo
Para cando o 'Apalabrados' en galego?
O popular xogo para dispositivos móbiles, con máis de dous millóns de usuarios en todo o planeta e dispoñible en doce linguas, entre elas o catalán e o euskera, podería ter en versión en galego en breve, pois o fabricante, Etermax, atópase en contacto coa Real Academia Galega