Os afectados polas preferentes levan a protesta a Sanxenxo
Esperan reunir máis de cinco mil persoas nunha marcha que comezará ás once da mañá deste sábado, continuando coa estratexia de protestar “onde veranean os banqueiros”. Este venres concentráronse en Santiago, A Coruña, Pontevedra, Vigo, O Grove, Sanxenxo, Cangas e A Guarda, pechando varias oficinas de NGB e reclamando a devolución íntegra dos seus cartos.
As persoas á espera de axudas de dependencia multiplicáronse por cinco, segundo o PSdeG
Os socialistas denuncian que Feijóo quere “suprimir a Lei da Dependencia e erradicar a axuda pública a domicilio” para privatizar este servizo.
De Bóveda a Ánxel Casal, días da memoria
Este venres celébranse varias homenaxes ao galeguista asasinado en Poio en 1936 e o domingo Cacheiras acolle un acto de lembranza ao alcalde compostelán. Ademais, o sábado ADEGA e O Galo organizan na Ulloa unha homenaxe ás vítimas da represión.
O eurodeputado Reinhold Butiköfer visita Corcoesto para denunciar o proxecto mineiro
Acompañado por Ana Miranda (BNG), manterá un encontro este sábado coa Plataforma en Defensa de Corcoesto para continuar a denuncia perante a Comisión Europea.
'Festival' escríbese con V de Valarés
A aldea de Ponteceso acolle os concertos de Fuel Fandango, Sex Museum, Dolores ou Grises, nunha fin de semana na que tamén destaca o Festival do Castro en Pantón (La Troba Kung-Fú, Ataque Escampe) ou o Arteficial de Ribadavia (Guadalupe Plata, Unicornibot)
Se o Concello non o fai, facémolo nós
O colectivo cidadán ferrolán Acción Directa de Recuperación de Espazos Públicos levará a cabo este sábado a súa segunda acción de limpeza nunha propiedade de dominio público en estado de abandono. Neste caso será a a batería militar de San Cristovo, que servirá como denuncia do "desleixo" do goberno municipal de José Manuel Rey Varela.
A 'Vuelta' máis galega... case sen galegos
A rolda ciclista, que percorrerá unicamente o norte de España, comeza este sábado e contará con cinco etapas en Galicia. O seu percorrido, con moita montaña, converte en favorito a Contador no seu regreso á gran competición, fronte a un Froome que -agora si- lidera o Sky e con permiso de Van den Broeck, Purito Rodríguez, Cobo ou Antón. A representación galega redúcese a Gustavo César Veloso.
"A poesía de Darwix chega a todo o mundo porque é o berro dun pobo"
Moncho Iglesias e Samar Sabat traducen ao galego o poeta palestino en Carné de Identidade, unha escolma bilingüe de 48 textos que constitúe ademais o primeiro libro traducido do árabe para o galego.
Ponteareas: Cambio de alcalde, saneamento ou intervención?
Ante a crítica situación económica do Concello, o BNG esixe a dimisión do actual rexedor, Salvador González Solla, como condición para apoiar un plan de saneamento que evite a intervención. CxG pídelles aos grupos da oposición que cheguen a un acordo co goberno municipal ou que propoñan unha alternativa
O Foro do Camiño Primitivo acusa a Xunta de desprotexer esta vía compostelá
A plataforma, que agrupa 30 colectivos, esixe que o Goberno galego incremente os 30 metros previstos de protección intensiva e que se inclúan na delimitación oficial treitos da calzada orixinal agora ausentes. Advirte que do contrario solicitará da UNESCO a paralización cautelar do expediente de declaración como patrimonio mundial.
Esquerda Unida alerta do desmantelamento do servizo público de tren
A coalición apoiará as mobilizacións do Sindicato Ferroviario Intersindical, que en setembro realizará unha folga contra os plans do Goberno de liberalizar Renfe e segregala en catro empresas para -denuncian- a súa privatización.
As letras de primeira man
O crítico literario Ramón Nicolás vén de abrir no seu popular blog Caderno da Crítica un espazo para a publicación de manuscritos inéditos de autores e autoras galegas. Celso Emilio Ferreiro inaugurou a sección, na que tamén se poden atopar textos de Fernández Paz, Marta Dacosta, Rodríguez Fer, Neira Vilas, Carmen Blanco ou Arturo Casas.