Comeza a conta atrás: Dez días para o Reperkusión
O festival, que celebra o seu décimo aniversario, ofrecerá do 17 ao 19 de maio na Cidade dos Muchachos de Bemposta dous concertos de Manu Chao, pero presenta outros moitos atractivos: as actuacións de Os 3 Trebóns, Festicultores Troupe, Terbutalina e os espectaculares directos de Kiril Dzajkovski (Macedonia), Dubioza Kolektiv (Bosnia) e Bohemian Betyars (Hungría).
ADEGA denuncia que a Xunta gastou dende xaneiro 42 millóns no vertedoiro de Areosa
Esta cantidade supón o 70% de todos os gastos xerados por SOGAMA, segundo a organización ecoloxista, que afirma que isto vén refrendar "o fracaso do modelo baseado na incineración, un buraco negro ambiental e económico que en 2011 xa devorou 253 millóns de euros"
A fogueira das vaidades
Praza PúblicaTodas as desfeitas do país, nunha soa ollada
A Rede de Dereitos Sociais e Galiza non se vende publican o mapa crítico de Galiza 2012, un traballo colaborativo de denuncia e oposición á destrución do territorio que a través dunha completa infografía, amosa os lugares afectados por contaminación, encoros, parques eólicos, especulación urbanística, piscifactorías, asentamentos precarios, monocultivos ou transxénicos.
Causa Galiza chama a defender a "soberanía" no 1 de maio
A plataforma independentista manifesta o seu apoio ao sindicalismo nacionalista contra as "medidas antisociais que se aplican dende Madrid e Bruxelas" e como defensa "da maioría social"
"Galicia quere información de proximidade en galego, mass media que no século XXI difundan e prestixien o idioma"
Música e poesía festexaron as Vitaminas para o galego este venres en Compostela.
Pallasos en Rebeldía participa no IX Festival de Cine do Sahara
A delegación, encabezada por Iván Prado, director de Festiclown Palestina, realizará espectáculos de maxia, clown e malabares acompañando a programación do festival, que comeza o 1 de maio no campamento de refuxiados de Dajla.
A Plataforma contra as Fumigacións concéntrase en Melide malia a prohibición da súa manifestación
Os colectivos que fan parte da plataforma participaron nunha foliada e informaron os cidadáns melidenses sobre os perigos que podería supoñer para moitas especias, coma as abellas, para os depósitos de auga e para a propia saúde das persoas, a fumigación dos eucaliptos con Flufexonuron
O Movemento 15M convida outros colectivos a unírense nas manifestacións do 12 de maio
As marchas, que se celebrarán dentro de dúas semanas en todo o planeta, coinciden co primeiro aniversario das mobilizacións dos indignados e indignadas en España. Pedirase unha reforma fiscal, dereito a unha vivenda digna, retirada da reforma laboral, renda social básica e educación, sanidade e servizos sociais públicos, gratuítos, de calidade e laicos.
A hora da verdade para o deporte galego
Fútbol, baloncesto, balonmán e hóquei a patíns. Galicia xógase nos vindeiros días a permanencia ou volta á elite dos representantes dalgúns dos deportes máis populares no país. Este venres o Ourense Baloncesto empatou a súa eliminatoria no play-off de ascenso á LEB Ouro, mentres que a derrota do Leyma Coruña deixou o equipo sen opcións. Así está a cousa.
O Goberno prohibe a manifestación convocada en Melide contra as fumigacións
A plataforma renuncia a facer a marcha, pero mantén a convocatoria da foliada reivindicativa, que terá lugar ás once da mañá na Praza do Convento da vila.
A loita pola educación pública en Chile continúa
O movemento estudantil chileno reactívase trala primeira marcha nacional do 2012. Cunha pacífica e masiva participación, os estudantes volven ás rúas tras oito meses de manifestacións ininterrompidas durante o curso anterior. As demandas a prol dunha educación pública, gratuíta e de calidade gañan forza malia que o Goberno presentase este luns un novo proxecto de financiamento para a educación superior. Dita proposta substitúe o actual Crédito con Aval del Estado (CAE) por un sistema integrado no que o Estado rempraza aos bancos no seu rol de outorgar financiamento.