Virginia Uzal

Os órganos de representación do persoal das tres universidades galegas presentaron ante o Valedor unha queixa para expresar o seu rexeitamento aos recortes orzamentarios no sistema universitario galego.

Estefanía Mosquera Castro, licenciada en Filoloxía Galega, presenta o seu libro Lingua galega e novos soportes comunicativos: a linguaxe SMS o vindeiro 25 de xullo no marco do Festigal.

Os expertos afirman que de darse condicións climatolóxicas adversas, no mes de agosto podería producirse unha vaga de lumes semellante á de 2006.

"Galicia ten historias de resistencias, un pobo con forza de loitar". Así pensan Rebeca, Avelino, Gonzalo e Lorena, catro mozos e mozas que decidiron facer de Galicia o seu fogar. A pesar de que dende 2012 o número de inmigrantes caeu drasticamente, as terras galegas seguen a ser un reclamo para moitos e moitas. 

As vilas non queren esquecer o seu pasado. O Concello de San Sadurniño, o de Rois ou o de Mesía son tres exemplos de municipios que realizaron unha campaña de recuperación fotográfica da historia das súas vilas e veciñanza.

Celébrase a sexta edición de DesOrdes Creativas, o Festival Internacional de Arte na Rúa na vila de Ordes. Mr. Thoms, Escif, Zosen ou o galego Isaac Cordal son algúns dos 13 participantes que realizarán intervencións artísticas por todo o casco urbano. Durante toda a semana tamén se realizará un ciclo de curtametraxes e pezas documentais, así como un concerto na clausura do festival. 

Os recortes nas axudas, as escasas saídas laborais e o risco de pobreza son algúns dos obstáculos cos que teñen que loitar os estudantes universitarios. Aumenta o abandono e a "caridade" mentras os estudantes piden "xustiza e igualdade de oportunidades".

Un total de 124.845 persoas de entre 18 e 34 anos abandonaron Galicia entre 2002 e 2011. No 2012 outras 25.000. Entre estas cifras atópanse catro mozos galegos que como os demáis decidiron deixar a súa terra en busca dun futuro mellor. Son as historias de Enrique José, Duarte, Iago e Miguel. Catro historias entre todas as que quedan por contar.

A Coordinadora de Profesionais do Audiovisual Galego advirte do "dano" que o modelo de producción do proxecto El Faro causará no sector e na televisión pública precarizando as condicións laborais dos traballadores e esquecéndose da identidade cultural. 

Galicia acolle máis de 300 nenos saharauis co programa Vacaciones en Paz 2013 e é a comunidade autónoma que máis nenos recibe por número de poboación.

O dereito, o maxisterio as ciencias económicas e empresariais son dúas das ramas que mais predominan no Parlamento Galego. O perfil dos deputados e deputadas apenas varía entre os diferentes partidos, unha gran maioría, 88,9%, ten estudos superiores e xa se adicaba á política antes de entrar no Parlamento. 

Óscar Pereiro, un arzuán de apenas 21 anos convértese nunha das promesas da natación profesional. Compite na liga estadounidense NCAA, o ano pasado proclamouse campeón de España en 50 e 100 metros costas, conseguiu récord de España en relevos nos Xogos Olímpicos  do Mediterráneo en Turquía e agora prepárase para Río 2016