Acontece

Tras as aclaracións sobre as discordancias dos datos e a actualización deste venres, o total acumulado de persoas afectadas polo brote da Mariña chegaría a 239, con 95 persoas xa de alta, mentres seguen tamén as probas nos brotes de localidades como Betanzos ou Vilalba. Mentres, o Ministerio de Sanidade notifica 10 novos diagnósticos en Galicia.

O Consello da Xunta acordou este venres novas medidas para o uso deste elemento, que deberá empregarse sempre, tanto en espazos pechados como abertos. Só haberá excepcións para as persoas con problemas respiratorios, no momento de consumir nun establecemento de hostalaría e na praia no momento de bañarse ou cando se permaneza sen desprazarse.

CIG-Ensino, CCOO, ANPE e UGT convocan concentracións en Compostela os días 22 e 28 de xullo, que se repetirían en setembro se o Goberno galego "non amosa a súa vontade de negociar" o documento, rexeitado "porque non minimiza os riscos de contaxio" do coronavirus

Unha fonte oficial de Sanidade asegura a Praza.gal que a orixe na discordancia dos datos está en que o 10 de xullo as altas non eran 27, senón 36, e en que o cómputo total de persoas afectadas polo brote incluía 6 persoas máis das referidas nas notas públicas. Inicialmente, o Goberno galego atribuíra a disparidade a unha mala interpretación da súa información "real e transparente"

O conxunto das organizacións sindicais retiráronse este xoves da mesa sectorial convocada polo Goberno galego, ao que acusan de descargar nos equipos directivos e no profesorado toda a responsabilidade da prevención de contaxios por coronavirus

O 9 de xullo, o Sergas indicou ao xulgado que A Mariña rexistrara 224 casos de coronavirus mentres informaba publicamente de 165 casos "activos" e 25 altas, o que deixaba o acumulado en 190, trinta e catro menos. este 16 de xullo Sanidade rexistra 28 novos casos en toda Galicia e informa de 9 nun brote en Betanzos

O Ministerio de Sanidade vén de actualizar a súa serie por inicio de síntomas do coronavirus, a única pública para Galicia, chegando ata o 12 de xullo . Dende o inicio do desconfinamento, segundo a nova serie, rexistráronse en Galicia algo máis de 400 positivos, máis da metade aparentemente ligados ao brote da Mariña

O Sergas indica que rexistrou un único caso novo ligado co brote nas últimas vinte e catro horas na Mariña, onde si se manteñen restricións como as relativas ao lecer nocturno ou ao límite das reunións de 10 persoas non convivintes. A Xunta abre a porta a que o peche de Burela se prolongue ata unha semana e admite que "existe o risco de que haxa un certo nivel de transmisión oculta" na zona porque "existen casos que non poden asociarse ao resto"

O Goberno en funcións aborda a primeira versión do protocolo contra o coronavirus para o curso 2020-21. Non prevé a posibilidade de reducir a ratio de alumnado por aula para garantir a separación de seguridade que evite contaxios da covid-19 e abre a porta aos denominados "grupos estables" de ata 25 estudantes sen distancia nin máscara