Acontece

A doente, que padecía un tumor terminal, ingresou no Álvaro Cunqueiro de Vigo en xaneiro de 2022. Os seus familiares pediron vela nos seus "últimos momentos", pero durante días se lles prohibiu facelo en virtude duns protocolos de actuación que, en realidade, si permitían a visita a doentes "no final da súa vida". Cando finalmente puideron facelo, a muller xa non era consciente.

Referentes do xornalismo de investigación como Ana Marcos e Elena Reina, veteranas da información internacional como Anna Bosch, pioneiras como María Escario ou referentes da información en Galicia como María Piñeiro, entre as participantes do encontro que volve ao Teatro Principal de Pontevedra os vindeiros 14 e 15 de marzo

La Robleda non é o único centro de internamento de persoas con problemas de saúde mental que inspeccionou o Defensor del Pueblo o ano pasado. O director do Mecanismo Nacional de Prevención da Tortura visitou en febreiro de 2024 dúas unidades de hospitalización psiquiátrica do Álvaro Cunqueiro de Vigo e constatou que se realizan contencións mecánicas de pacientes "por escaseza de persoal"

A ordenanza coruñesa deixa aberta á declaración de zonas saturadas de vivendas de uso turístico, o que permitirá impedir a implantación de máis nos distritos con máis de 0,5  por cada 100 habitantes. As sete cidades contan con cando menos un distrito por riba dese limiar, especialmente nos barrios máis céntricos. Nas urbes galegas hai máis de 4 pisos turísticos por cada vivenda dispoñible para alugueiro estable.

Naves onde antes había empresas de automoción ou almacéns son agora centros relixiosos dunha rama do protestantismo que chegou a Galicia hai 150 anos. Na Coruña, cidade onde aterrou primeiro, o polígono da Agrela concentra boa parte dos locais de fieis evanxélicos, atraídos polo prezo, a ausencia de problemas polo exceso de ruído e a proximidade aos barrios con máis emigrantes de Latinoamérica. 

Medio cento de profesoras e profesores de universidade e investigadoras fan público un escrito no que solicitan a rectificación da TVG en relación co uso do termo "bilingüismo cordial" no Telexornal nunha información sobre a "enquisa de percepción social do galego", encargada pola Xunta a Sondaxe para matizar a gran consulta sobre o uso do galego do IGE

A Garda Civil detivo unha persoa tras pescudas que sinalan boticas e varios facultativos de Cangas e Vigo. A presunta trama estaría vinculada á distribución irregular de Rivotril, medicamento empregado para elaborar karbuki, a denominada droga dos pobres.

É Galicia máis insegura que hai uns anos? Cométense máis delitos? A resposta é non, á vista das estatísticas oficiais do Ministerio do Interior, que semellan desmontar as alarmas e críticas públicas lanzadas en moitos lugares por determinados partidos e medios de comunicación

As organizacións sindicais con representación na mesa de negociación, entre eles CIG-Saúde, maioritario no Sergas, consideran "inaceptable" que o Ministerio "asuma" ou "propicie" presións e "preeminencia mediática" de colectivos gremiais á marxe das conversas oficiais. O Ministerio decidiu suspender a reunión prevista para este xoves ante a negativa das centrais a acudir. 

"A idea é que sexa unha atención verdadeiramente comunitaria", asegura a presidenta da Asociación de Psicoloxía Clínica do Sergas, Marta González, sobre a incorporación de psicólogas e psicólogos clínicos á Atencion Primaria. O conselleiro de Sanidade di que "por unha cuestión de recursos" non será posible que haxa un psicólogo en cada centro de saúde do país, polo que aposta polas terapias de grupo. O Colexio de Psicoloxía lembra que son os especialistas quen decide o formato da atención