A policía interrogou os 17 ultras, que están acusados de participar nunha "rifa tumultuaria" e que se unen aos 41 ultras do Frente Atlético e de Ultra Boys arrestados nesta mesma semana nunha operación Neptuno que continúa aberta.
Un militar en activo e un garda civil, tamén arrestados pola liorta que acabou coa morte de Jimmy. Son unhas 40 persoas xa as detidas nunha operación que se ampliará nos vindeiros días, entre eles tamén afeccionados violentos de Xixón.
A iniciativa que promove a instauración do topónimo oficial no Deportivo estrea web logo dunha campaña na que recolleu milleiros de sinaturas a prol da galeguización do nome club.
O presidente en funcións da Federación Galega de Fútbol di que é "imposible" que Galicia xogue neste Nadal malia os intentos previos e promete a volta do combinado no caso de continuar á fronte do organismo. Siareiros Galegos renuncia tamén a celebrar o encontro reivindicativo.
O Goberno acusa o club de non dar información "precisa" sobre o desprazamento dos Riazor Blues e destitúe os coordinadores de seguridade da entidade galega e do Atlético. A oposición recrimina a actuación do Executivo e lembra que tiña suficientes datos como para actuar antes.
ENTREVISTA Manuel González Ramallal, doutor en Socioloxía, experto en socioloxía do deporte, galego e deportivista reflexiona sobre o futuro do fúbol e as bancadas tras o asasinato do afeccionado ultra do Deportivo en Madrid a pasada fin de semana.
O peche "provisional" da bancada onde se sitúan os Riazor Blues por parte do Deportivo tan só é unha medida inicial á espera de que remate a investigación policial e se aclaren os feitos. O grupo ultra medita a súa disolución definitiva tras os graves incidentes do pasado domingo.
A policía ignoraba que os ultras branquiazuis viaxaban a Madrid, considerou o partido de "baixo risco" e nega que a pelexa fose pactada entre os dous grupos radicais. Ningún dos máis de vinte detidos é autor da malleira ao seareiro falecido.