O número de desempregados sen protección aumentou un 38% en Galicia desde que o PP chegou ao Goberno central en 2011 e abrangue a máis de 185.000 persoas. Sete de cada dez mulleres galegas sen emprego non cobran prestación ningunha.
En 2014 morreron 57 persoas en accidente laboral, unha cantidade só superada por Andalucía (co triplo de habitantes) e por riba da rexistrada en territorios moito máis poboados, coma Cataluña, Madrid ou a Comunidade Valenciana.
O PP leva tres meses repetindo que é "a cidade con máis paro de Galicia", o que xustificaría o seu cambio de posición sobre a continuidade da pasteira no interior da ría. A nova enquisa (pouco fiable á hora de amosar datos por cidades) reduce o desemprego pontevedrés do 28,7% ao 24,7%.
O pasado ano o 54% dos galegos e galegas que fixeron a declaración escolleron esta opción. As ONG defenden a importancia destas achegas para financiar proxectos de vital importancia dos que en moitos casos se desentende o Estado. O 25% dos fondos destínanse a entidades católicas.
A cifra de ocupados cae en 12.900 persoas, un descenso do 1,3% fronte ao 0,65% do conxunto de España, onde o número de parados baixa lixeiramente mentres se dispara no país, con 11.900 máis, o terceiro maior aumento de entre todas as autonomías segundo os datos da EPA.
Considera que as dúas entidades venderon produtos complexos a clientes sen avaliar se estes contaban cos coñecementos suficientes e advirte de que o fixeron tamén "a prezos significativamente afastados do seu valor razoable".
ENTREVISTA Stelios Kouloglu, xornalista e eurodeputado de Syriza, cre que a teimosía dos acredores podería provocar unha traxedia económica e levar a extrema dereita ao poder. "Alemaña e a troika están dando un golpe de estado moderno en Grecia".
ENTREVISTA A Facultade de Dereito da USC acolle este venres e sábado un congreso que analizará a regulación do traballo a distancia en España e noutros países, as posibilidades que abre para a conciliación ou os riscos laborais específicos. Falamos coa directora do encontro, Lourdes Mella
O 2014 pechouse con 99.000 persoas traballando a tempo parcial no país por non atoparen un emprego a xornada completa
Feijóo gábase de que a economía galega está a recuperarse aínda que os indicadores económicos son practicamente planos. O principal imposto sobre o consumo acredita a súa atonía malia á suba de tipos de 2012.
O paro afecta a todos os servizos técnicos da compañía, pero tamén ao soporte de cobertura para Vodafone, R ou Jazztel. Os traballadores denuncian as súas precarias condicións laborais, moi distintas ás do persoal da empresa principal.