Economía

O alto tribunal dálle a razón á Deputación de Lugo nunha sentenza na que considera unha "obriga legal" do Executivo colaborar no financiamento. A entidade provincial reclamará as cantidades non achegadas polo Goberno galego desde 2012.

Os traballadores de Diario de Ferrol, El Ideal, DxT, Diario de Arousa e Diario de Bergantiños mobilízanse ante a ameaza de despido para a metade deles. Reclaman o pago das débedas e un plan de viabilidade nun grupo que segue a recibir cartos públicos da Xunta.

Os traballadores manteñen a mobilización fronte ao ERE presentado por unha empresa con beneficios e axudas públicas. Unha sentenza xudicial vén de avalar a legalidade da folga. Falamos con Jesús López, presidente do comité de empresa, e co deputado de AGE Juan Fajardo.

Os datos da EPA volven evidenciar o negro panorama laboral para os galegos máis novos, entre os que se perderon 7.700 ocupados no último ano e máis de 80.000 desde que comezou a crise. A comezos de século había máis do dobre de mozos ocupados que na actualidade.

Este venres preséntase na Cidade da Cultura o proxecto Latitude, dirixido por María Almazán, que busca contribuír á reindustrialización do sector téxtil galego a través do valor engadido da sustentabilidade, coidando o produto e as persoas que o confeccionan

O paro volve subir en 5.500 parados no último trimestre do pasado ano, onde tamén caeu a ocupación en case 17.000 persoas. O desemprego baixa en 17.100 persoas con respecto a hai doce meses, pero a autonomía racha incluso coa feble tendencia positiva do Estado.

As baixas nas oficinas de emprego por colocación incrementáronse en algo máis dun 11% en Galicia durante o pasado ano, que rexistrou a cifra de contratos eventuais e de obra máis elevada dende o inicio da crise.

Un xulgado ferrolán ratifica a sentenza do Tribunal da UE, que consideraba que a exención fiscal ao estaleiro público podía supoñer unha axuda ilegal do Estado.

O hospital privado tivo en 2014 11 millóns de euros de beneficios e supón a principal fonte de ingresos de José Silveira Cañizares, propietario do holding Naviera Elcano, que non sufrirá axustes. Os traballadores do centro médico denuncian a precarización laboral.

A CGT denuncia que a compañía mantén a súa política de recortes e suprime os ferrocarrís hoteis que conectaban o país coa capital do Estado e Cataluña os sábados pola noite.