O Foro Económico de Galicia advirte do estancamento do sector exterior e da atonía da demanda interna, que explican o débil crecemento de Galicia, e reclama obxectivos de déficit "máis acordes coa realidade" "A Xunta cumpriu, pero esa seriedade deixou de ser o máis intelixente", di.
A CNMV imponlle a Abanca unha multa de 80.000 euros por unha "infracción moi grave" da lei do mercado de valores cometida pola antiga Caixa Galicia en 2008
A contrución e sobre todo o sector servizos concentran no país case o 80% do descenso do paro, cuxa leve recuperación en marzo baséase na hostelería, o turismo e a obra pública, sen indicio ningún de cambio de modelo produtivo.
O segundo mandato de Núñez Feijóo levou xa por diante milleiros de empregos, malia a redución do paro. A perda de ocupados elévase a máis de 50.000 no país durante a lexislatura de Mariano Rajoy, que non logra mellorar as cotas de afiliación nin do paro no Estado.
O Índice de Confianza do Consumidor do primeiro trimestre de 2015, publicado este luns polo IGE, ofrece unha notable mellora con respecto a hai doce meses, pero o pesimismo segue dominando nos fogares que ingresan menos de 1.500 euros. 6 de cada dez galegos chega con dificultades a final de mes.
A taxa de cobertura volve caer no país ata o 53,8%, dous puntos menos que a media estatal e cinco menos que hai doce meses. Só o 42% dos desempregados con prestación cobran unha contributiva e os sindicatos advirten do "fortísimo risco de exclusión social" de moitas persoas.
O número de desempregados rexistrados cae en 5.412 persoas en marzo, unha cifra de novo superior ao aumento de afiliacións á Seguridade Social no país, que conta con 24.000 parados menos que hai un ano, pero tan só 17.000 cotizantes máis, unha tendencia inversa á do conxunto do Estado.
Os titulares de explotacións agrogandeiras maiores de 60 anos xa son a maioría mentres que persoas menores de 40 á fronte de explotacións se reduciron case un 40% na última década. O país perdeu unha cuarta parte dos seus profesionais do agro dende 2003.
A denominada Plataforma de apoio á Industria na Comarca de Pontevedra e o comité de empresa da pasteira saúdan a aposta dos populares pola permanencia da factoría no seu actual emprazamento.
Os principais datos económicos acreditan que Galicia só está á cabeza do Estado en cumprimento do déficit mentres fica nos últimos postos en crecemento e recuperación. A recadación de impostos amosa ás claras o estancamento do consumo.
A dirección do diario de PRISA comunícalle ao persoal a intención de reducir á mínima expresión as súas delegacións en Galicia, Euskadi, Andalucía e Comunitat Valenciana, xa minguadas co ERE de 2012. Catalunya ficaría á marxe do recorte.
Os sindicatos denuncian que á fin do sistema de cupos, que remata este martes, únense as "ameazas" das empresas para "obrigar a asinar prezos de miseria". As explotacións reclaman que interveñan as administracións para evitar estas prácticas "abusivas".