O país recibirá 1.309 millóns de euros do Estado, un 23,27% menos, segundo uns Presupostos nos que se reducen un 6,3% as prestacións por desemprego e que non contemplan a prórroga da axuda de 400 euros. A política social sofre un recorte do 14,4% e Sanidade perde un 22,6% do seu orzamento.
A filial PMI podería encargar os buques, aínda que a petroleira non optase pola oferta galega, pero tería que buscar outros clientes para arrendarllos. Praza accede aos audios nos que o máximo responsable de Pemex confirma que o contrato non é coa súa empresa e que Galicia "non é o único oferente".
A auditoría encargada polo Estado á consultora Oliver Wyman revela que a banca española precisa máis de 50.000 millóns de euros para sanearse. O Estado pedirá 40.000 millóns de rescate bancario á UE.
O presidente da Xunta remítese ao último comunicado da petroleira, que asegura que os contratos son "plenamente válidos", aínda que aclara que hai "cláusulas suspensivas". Desde México, insisten en que a decisión de construír os floteis en Galicia non é firme. Un conselleiro da firma azteca fala incluso dun "uso electoral" do trato para "impulsar o PP". Audios no interior.
"Non hai asinado ningún contrato con estaleiros galegos", asegura o director xeral da petroleira mexicana, que aclara que a construción en Barreras e Navantia dos dous buques floteis que prometeu Núñez Feijóo non é segura e que queda a expensas do que decida a empresa estatal logo de consultar varias ofertas.
O Goberno aproba os Orzamentos para 2013, nos que prevé recadar 4.375 millóns con novos impostos e nos que recorta nun 9% os gastos ministeriais. O Estado pagará máis de 38.000 millóns de euros en 2013 para financiarse e recorrerá a máis de 3.000 millóns do Fondo de Reserva. Dá o visto e prace a un plan de reformas que incluirán 43 novas leis ao ditado de Bruxelas.
Traballadores e traballadoras da metalúrxica procedentes de todo o Estado maniféstanse ante a Xunta para reclamar unha tarifa eléctrica de grandes consumidores que garanta a viabilidade das fábricas. O BNG reclama que Galicia poida lexislar na materia e o PSdeG lamenta a "inacción de Feijóo.
A CIG amosa o seu "absoluto rexeitamento" á conxelación salarial e a nula contratación no sector público e lembra que a medida "colapsa a administración" e "aboca ao peche de certos servizos para favorecer as privatizacións".
É unha medida incluída nos Orzamentos Xerais de 2013 que se presentarán este xoves. Tamén se bloquea a oferta de emprego público.
Abre un procedemento administrativo á compañía por "incumprir o plan industrial asociado ao concurso eólico" que incluía a construción da planta no sur de Galicia. O Executivo confirma que ampliará o complexo de Cerceda para poñer en funcionamento a nova planta en 2017.
Co obxectivo de evitar que a xente nova teña que marchar de Galicia na procura de traballo o plan prevé asesorar e facilitar a creación de novas empresas e tamén axudar economicamente estes proxectos, tanto con achegas directas coma con ventaxas fiscais.