O presidente da Xunta aclara no Parlamento que o Estado vén de enviar un plan alternativo ao 'tax-lease', logo de que Almunia o acusase de non presentalo aínda. O xefe do Executivo galego reúnese hoxe con Pemex tras unha xuntanza coa SEPI, mentres Marrocos advirte que os estaleiros galegos poderían participar na renovación da frota pesqueira do país africano.
A asociación, que agrupa a máis dun milleiro de compañías, insiste en solicitar un banco público para Galicia e pide o apoio de todas as asociacións empresariais, pemes e autónomos. "É o momento de que a Confederación de Empresarios se amose a favor porque a súa base social si o está", asegura.
O galardón, que naceu en 1999 nos centros de ensino do Barbanza, foi organizado este ano pola Coordinadora de Equipos de Normalización Lingüística, que coincidindo coa homenaxe a Paz-Andrade, o centrou no mundo da empresa, un ámbito "no que queda moito por facer", segundo Miguel Outeiro. Imaxín superou nunha axustada votación a R, Alimentos Amorodo, Martín Códax e A-1 Seguridade.
A eurodeputada do BNG, Ana Miranda, esixe "unha resposta urxente" para os estaleiros galegos nunha reunión co comisario europeo, que insiste no modelo francés como alternativa ao tax-lease. Feijóo di que "non descansará" ata lograr "unha solución xusta e equitativa".
Carlos Taibo vén de participar nunha palestra en Santiago na que se analizaron as alternativas á precariedade e ao desemprego actual no Estado e en Galicia. O escritor, profesor e editor galego aposta por "crear espazos de autonomía con regras de xogo diferentes ás do sistema" e recoñece o seu "receo xeral pola vida política cotiá e convencional dos partidos e das eleccións".
A vía suxerida polo Goberno galego impediría a reclamación xudicial dos cartos retidos polas entidades financeiras. Os nacionalistas acusan o presidente de "eludir as súas responsabilidades".
A suma destas desviacións suma uns 3.000 millóns, o que incrementa en tres décimas o desaxuste previsto polo Goberno central. Galicia sitúase como a comunidade con menos déficit, cun 1,61% do PIB.
María José Caride acusa o presidente da Xunta de obrigar a pagar 50 millóns de euros en medicamentos a pensionistas e asalariados e a pesar diso pechar 2012 co dobre de endebedamento que cando chegou ao Goberno. Pídelle que “priorice o benestar dos galegos e diga non á invasión de competencias por parte do Estado fronte aos intereses partidistas”.
A Xunta anuncia que a próxima Lei de Inclusión Social busca favorecer, deste xeito, a incorporación ao mercado laboral, loitando ao mesmo tempo contra a economía somerxida.