A CRTVG non logra que o Supremo avale a súa redución da información sobre as eleccións galegas
En resposta a un recurso do BNG, a Xunta Electoral de Galicia ordenou aos medios públicos dedicar ao 18F, cando menos, tanto tempo como ás anteriores eleccións. A CRTVG recorreu á Xunta Electoral Central, que non lle deu a razón, e agora sucede o mesmo no alto tribunal. A xuízo do TS a corporación pública "non fixo unha axeitada integración do principio de garantía do pluralismo político e social en tempo electoral en canto ao seu fomento".
