18F Eleccións galegas

Tráfico de influencias, abuso de dereito ou suborno son algunhas das ilegalidades, varias delas delito, que os tribunais veñen constatando na Xunta na última década década e media

Nunha praza de touros de Pontevedra ateigada, como nas grandes ocasións do PPdeG, o candidato popular asegura presentarse con "humildade" ao tempo que o ex-presidente e líder estatal do partido di que a Xunta é "un exemplo para toda España"

O presidente do Goberno de España volve aguilloar a campaña do PSdeG apelando en Ourense á mobilización do electorado que o apoiou a el para votar por Besteiro e ratifica a aprobación da suba do salario mínimo a vindeira semana. O candidato á presidencia chama a contrapoñer propostas socialistas coas proclamas das "tres caravanas" do PP: "Din que van facer en catro anos o que non fixeron en quince"

O candidato popular reúnese con estudantes para prometer matrículas gratuítas e salienta o "esforzo" dos seus pais con tres fillos universitarios cando o seu proxenitor era un destacado alto cargo do PPdeG

O candidato do PSdeG considera "realista e viable" a medida que faría de balde o primeiro ano universitario e dos mestrados e para a que calcula un custo total de 22 millóns de euros. 

A presidenta do PP vigués, Marta Fernández-Tapias, admite que tras o 18F abrirá "unha nova etapa" despois de que a portavoz local do PSOE asegurase que vai deixar a política

A candidata do BNG volve comezar a carreira electoral na aldea onde se criou flanqueada polos seus pais, desta volta ao pé da cociña onde "aprendín moito do que me gustaría facer como presidenta". "Se Ana é presidenta, traballará con honestidade para mellorar a vida dos galegos", di Aurita Mondelo, nai da líder do Bloque, que pide ao electorado indeciso que lle dea "unha oportunidade"

Estima parcialmente unha demanda do BNG e advirte que non está "xustificado" que a información diaria electoral fose recortada en case tres minutos con respecto á de 2020 pola "incidencia" que ten na cobertura dos partidos e pola "importancia do pluralismo político e social".

"Ao do bipartito é ao que pode volver Galicia se nós non temos maioría absoluta", di o candidato popular no lanzamento da campaña electoral e pide "recordalo moitísimas veces"

Os populares pediron o voto ou gastaron en propaganda antes da campaña en cinco ocasións e en tres foi o propio Rueda o implicado en persoa en feitos censurados pola Xunta Electoral

Por primeira vez dende 2009, todas as principais forzas políticas perciben que o resultado das urnas non está inexorablemente escrito antes da primeira chamada ao voto