Galegas 2020

Un dos informes difundidos este mércores polo Goberno galego indica que en 264 concellos non se detectou ningún novo positivo entre o 4 e o 11 de maio. Tamén confirma que o 60% das novas infeccións corresponden a persoal sanitario e a persoas internas nas residencias e amosa que Ourense e A Coruña presentan as maiores taxas de incidencia da enfermidade

PSdeG, Galicia en Común e BNG censuran que Feijóo ratificase a súa intención de convocar as eleccións en xullo "pola TVG" mentres o Parlamento estaba reunido e consideran "irresponsable" e "unha temeridade" apostar por chamar xa ás urnas "en plena pandemia" 

Feijóo afirma que quere convocar "axiña" para seguir as recomendacións dos informes sanitarios e cita os partidos para falalo este 14 de maio, a mesma xornada á que Urkullu emprazou os partidos vascos  o pasado 30 de abril para sinalar o día das súas eleccións. Ata os primeiros días de maio, Xunta e PP aseguraron non ter na "axenda" a data das eleccións e acusaron as formacións da esquerda de estar "obsesionadas" con ela

O texto introducido polo PNV na nova prórroga dá a Feijóo ferramentas xurídicas para non ter que condicionar a nova convocatoria dos comicios adiados polo coronavirus ao levantamento do estado de alarma, tal e como figura no decreto co que foron adiadas as votacións previstas para o pasado 5 de abril

O acordo contempla comparecencias de Feijóo cada dúas semanas, a mesma regularidade das sesións de control ordinarias, ata que teña vía libre para volver convocar as eleccións. O Consello de Ministros aproba pedir a nova prórroga do estado de alarma mentres PSOE e UP tentan xuntar os votos para aprobala no Congreso

PSdeG, Galicia en Común e BNG critican que o presidente xa lles dese tres plantóns outros tantos domingos e non comparecese no Parlamento en abril como prometeu

Feijóo volveu cargar con dureza contra "a forma e o fondo" do plan de desconfinamento, pero poñendo o foco na súa reclamación de que finalice o estado de alarma, que di cuestionar por restrinxir os "dereitos fundamentais" mentres reclama unha "fórmula" para a convocatoria das eleccións, condicionada por decreto ao seu levantamento

O lehendakari esgrime que prefire votar en xullo porque "o inicio do outono" pode "cadrar cun rebrote da epidemia"; Feijóo asegura que a data electoral segue sen estar "na axenda do Goberno" e as forzas da actual oposición galega reclaman priorizar a saúde pública e non limitarse a seguir ao líder vasco

Tras a cordialidade que presidiu o adiamento das eleccións e os primeiros encontros entre líderes, esta semana Feijóo ratificou que só convocará á actual oposición cando considere que das conferencias con Sánchez sae algún "acordo". As críticas lanzadas dende San Caetano soben de ton e na esquerda aumentan as voces que instan a ter en conta que, se cadra, cómpre comezar a non dar por sentado que as eleccións vaian ser no outono

Galicia está nunha situación institucional inédita, co Parlamento disolto pola convocatoria das eleccións non celebradas pero cun Goberno que goza de plenas funcións. En resposta aos grupos parlamentarios, o servizo xurídico vén de emitir un informe no que ve claro que poden formular preguntas e solicitudes de documentación á Xunta a través da Deputación Permanente nesta situación excepcional

O adiamento das eleccións que se ían celebrar este 5 de abril deixou sen efecto a convocatoria electoral pero non a disolución do Parlamento, de aí a inédita situación institucional que vive o país. Na actual oposición existe o convencemento de que a maquinaria preelectoral do PP non está pechada por pandemia, mentres os populares ven a esquerda nunha "deriva irresponsable"

O decreto sinala que o novo proceso electoral comezará "no prazo máis breve posible" cando estea "levantada a declaración do estado de alarma e a situación de emerxencia sanitaria". Todos os principais partidos apoiaron o adiamento e sinalan como "prioriade" a loita contra a crise sanitaria; non obstante, a actual oposición cre imprescindible que o Goberno teña control parlamentario neste transo inédito