Mocidade, democracia e memoria

O quinto episodio da serie da Fundación Praza Pública coa colaboración de 50 en Liberdade trasládase aos cantís baixo o Monte de San Pedro para abordar as redes clandestinas de fuxida por mar tras o golpe e e a tentativa frustrada en marzo de 1937, así como a transformación do lugar. Os investigadores Dionisio Pereira, Emilio Grandío e Inés Merayo explican a importancia do anarcosindicalismo coruñés, o papel dos mariñeiros e das mulleres anarquistas nos primeiros instantes do golpe e o clima de persecución na cidade en 1937. Co escultor Pepe Galán coñecemos a intervención artística do monumento ás vítimas do Portiño

'Falamos de memoria', a serie da Fundación Praza Pública coa colaboración de 50 en Liberdade, recupera as historias dos asasinatos perpetrados polos golpistas na contorna da Torre de Hércules, dende a execucións tras consellos de guerra ata os chamados paseos

Este episodio da serie producida pola Fundación Praza Pública co apoio de 50 en Liberdade recupera a historia dos ateneos libertarios da Silva, das súas escolas laicas e da intensa actividade política e sindical que quedou no albo da represión tras o golpe do 36 contra persoas coma o canteiro anarquista José Boedo, pai de Pucho. Tamén da resistencia das mulleres como Maruxa Seijas

O segundo episodio da serie producida pola Fundación Praza Pública co apoio de 50 en Liberdade percorre a Casa Museo Casares Quiroga para abordar a súa traxectoria política e persoal, as consecuencias do golpe de 1936 e a represión que sufriu a súa familia. O capítulo conta con catro testemuños de persoas vencelladas á investigación histórica e á memoria da familia Casares: Xosé Alfeirán, Pilar Mera, Emilio Grandío e María Lopo

O primeiro episodio da serie podcast, producida pola Fundación Praza Pública coa colaboración de 50 en Liberdade, mergúllase no labirinto urbano do barrio coruñés que antes do golpe concentraba a maior taxa de afiliación libertaria da cidade e despois virou en rede de resistencia fronte aos franquistas

O primeiro episodio, que bota a andar este 30 de setembro, aborda a resistencia antifascista e libertaria e a represión sufrida nas Atochas e Monte Alto tras o golpe de Estado de 1936. No inicio de cada capítulo Prado Rúa preséntanos in situ os espazos que imos coñecer nesta serie, producida pola Fundación Praza Pública coa colaboración do Comisionado para a Celebración dos 50 Anos de España en Liberdade

A xornalista e profesora Marta Veiga Izaguirre analiza para a serie 'Mocidade e democracia' fenómenos coma o "narcisismo de opinión" e a cancelación dos matices no debate nas redes sociais, un "microcosmos" que, resalta deixa fóra e contribúe a invisibilizar unha parte relevante das xente nova da Galicia actual

Luzia Oca reflexiona sobre a necesidade de abordar a memoria histórica sen paternalismos e a respecto das preocupacións políticas e sociais da xente moza dende as súas facetas de antropóloga, activista e docente na serie 'Mocidade e Democracia', unha produción da Fundación Praza Pública coa colaboración do Comisionado para a Celebración dos 50 anos de España en Liberdade

Xela Rodríguez, estudante de Xestión Cultural, activista e representante de alumnado na USC, analiza na serie 'Mocidade e democracia' a importancia do tecido asociativo e da contorna universitaria como vías fundamentais para espertar o interese político na xente moza

Martín Salvado, economista e investigador en economía política, analiza na serie 'Mocidade e democracia' como a precariedade laboral e a crise da vivenda erosionan a confianza da xente moza nas institucións e os riscos da lexitimación de discursos que converten en opinables dereitos e consensos básicos. Unha produción da Fundación Praza Pública coa colaboración do Comisionado para a Celebración dos 50 anos de España en Liberdade

Serxio María Rodríguez achega á serie Mocidade e democracia a súa perspectiva sobre a cultura e a participación política entre a mocidade, o fenómeno da chamada polarización ou as causas e consecuencias de realidades como a banalización da ditadura, entre outros asuntos

A segunda convidada da serie 'Mocidade e democracia' é Aida Estévez, coordinadora do Círculo de Jóvenes Emprendedores (CIJE) e fundadora da consultoría viguesa Como Darwin. Reflexiona sobre como están a cambiar os valores laborais na mocidade coa que ten relación profesional, que teñen unha nova percepción das responsabilidades e priorizan o goce do seu tempo libre e persoal unha vez que remata a súa xornada laboral