A alcaldesa da Coruña, a socialista Inés Rey, incorpora ao seu goberno á ex-concelleira de Ciudadanos Mónica Martínez, que deixou esa formación hai tres meses, e reestrutura as competencias de varios edís.
Fálase
-
🔴📺AO VIVO | Ás 9.30 horas comeza a sesión de investidura de Alberto Núñez Feijóo como presidente da Xunta coa defensa do seu programa de goberno. 48 horas despois, o xoves, os grupos parlamentarios expresarán a súa opinión e votarán. A maioría absoluta do PP nas eleccións do 12 de xullo garante a súa reelección. Podes seguir a sesión en directo na web do Parlamento de Galicia.
Varios avistamentos de candorcas na costa galega levan a Salvamento Marítimo a lanzar unha advertencia pedindo a todas as embarcacións que eviten achegarse a elas. Está a contalo Pontevedraviva.com, que publicou un vídeo. Na imaxe, candorcas fotografadas en anos anteriores pola Coordinadora para o Estudo dos Mamíferos Mariños (Cemma), un dos colectivos que vén documentando a presenza destes cetáceos na costa galega.
Morre aos 92 anos o presidente fundador do Breogán, José Ramón Varela-Portas, un dos responsables do nacemento do equipo en 1966.
O risco de incendios segue sendo extremo na maior parte de Ourense neste remate de agosto, coa época de perigo alto declarada ata o 30 de setembro.
As fins de semana de agosto, Praza.gal non se actualiza por descanso do persoal. Pero deixamos moito para ler e o luns estamos de volta :)
CIG, CCOO, STEG e CSIF acordan un calendario conxunto de mobilizacións no ensino que incluirá dúas xornadas de folga coincidindo co inicio do curso escolar. As convocatorias e datas previstas serán anunciadas publicamente este luns 31 de agosto. Os sindicatos denuncian "a actitude da Consellaría de Educación, coa imposición unilateral dun protocolo que supón unha irresponsabilidade na xestión dos centros educativos"
A Consellería de Sanidade anuncia novas restricións para os concellos de Lugo e Arteixo, polo incremento de casos que se están rexistrando nos últimos días. Na cidade de Lugo as reunións sociais limítanse a un máximo de 10 persoas e redúcese ao 50% a capacidade de establecementos e espazos pechados. En Arteixo e no barrio lucense da Milagrosa, cunha maior incidencia, as restricións son maiores, con reunións sociais limitadas a 5 persoas; ademais, bares e restaurantes só poderán servir en terraza. Ampliamos aquí a información.
O Tribunal Superior ratifica as restricións da Xunta na Coruña fronte á petición da hostalería de paralizalas, que xa obtivera un primeiro rexeitamento xudicial cautelarísimo hai dúas semanas.
Nun comunicado o Deportivo da Coruña promete "seguir pelexando" na procura da "verdadeira xustiza", unha vez consumado "un atropelo sen precedentes". O Consello Superior de Deportes validou a decisión adoptada pola Liga de deixar o Fuenlabrada sen castigo, o que supón o descenso a Segunda B do equipo galego. O clube afirma que traballará "dende xa sen descanso para regresar ao fútbol profesional no terreo de xogo".
