Marica Campo será homenaxeada no Día das Galegas nas Letras deste ano, organizado pola plataforma de crítica literaria A Sega. O Manifesto Nosa Señora das Letras 2018 pódese ler xa na súa web.
Fálase
-
Veciñanza de Touro e a súa contorna manifestarase este mediodía cunha tractorada para rexeitar a apertura da polémica mina que a empresa Cobre San Rafael pretende reabrir. O máis destacado da mobilización, hoxe en Praza.
Vinte e seis concellos de Galicia e Portugal asinan en Valença a súa unión na Agrupación Europea de Cooperación Territorial Rio Minho. É o quinto gran proxecto de cooperación entre administracións galegas e do norte portugués.
Hai hoxe 22 anos, cadrando co aniversario de Rosalía de Castro, comezaba a editarse Vieiros.com, o pioneiro xornal dixital en galego que seguiu publicándose ata o ano 2010, cando pechou. Na imaxe, unha captura do seu sitio web en 1998.
O persoal da Xustiza en folga traslada as súas reivindicacións ás rúas de Santiago cunha masiva manifestación. Toda a información, esta tarde en Praza.gal
AUDIO | Tal día coma hoxe de 1985 comezaban as emisións en probas da Radio Galega, cadrando co aniversario do nacemento de Rosalía de Castro e baixo a denominación Radiotelevisión Galicia. O himno galego foi o primeiro que se escoitou naqueles primeiros pasos da radio pública, que comezou a súa andaina dende os estudios instalados no recinto de San Caetano, actual sede central da Xunta. Aquela emisión en probas pódese escoitar nesta ligazón.
Abel Caballero e Manuela Carmena reclaman conxuntamente que os concellos poidan destinar o seu superávit a servizos públicos. O alcalde de Vigo recibiu á rexedora madrileña como paso previo á xuntanza que manterá, como presidente da FEMP, o vindeiro luns co ministro de Facenda, Cristóbal Montoro. "É absurdo que as cidades non poidan gastar o que aforran", resaltaron, nun sentido semellante ao que xa manifestara o conxunto dos concellos galegos
Antón Sánchez denuncia, coincidindo co aniversario do 23F a "deriva autoritaria do Estado” e os "ataques" que se están a producir ás "liberdades e dereitos fundamentais". "Criminalízase toda discrepancia ou disenso político", afirmou nunha rolda de prensa con Emilio Cao, o mozo do Carballiño que será xulgado o vindeiro mes en Madrid e que pode ser condenado a 5 anos e 8 meses de prisión
Cáritas, Aldeas Infantiles SOS Galicia e COGAMI recibirán as Medallas do Parlamento neste 2018. O Boletín Oficial da Cámara galega publica este venres o acordo de outorgar a distinción a estas entidades, que a recibirán o vindeiro 6 de abril, no aniversario da promulgación do Estatuto de Autonomía. Nas súas dúas primeiras edicións as Medallas foron para os anteriores presidentes do Parlamento e para a comisión redactora do 'Estatuto dos Dezaseis".
The Killers, Lenny Kravitz, Jamiroquai, Two Door Cinema Club, Franz Ferdinand ou Mando Diao, no cartel do primeiro festival ligado ao Xacobeo 2021, o vindeiro xuño en Santiago. Novedades Carminha, Triángulo de Amor Bizarro, Bala, Eladio y los Seres Queridos ou Malandrómeda serán a participación galega no evento, presentado este venres. 'O son do camiño' celebrarase no Monte do Gozo e é parte dun proxecto que inclúe outros cinco concertos en cidades galegas e ao que a Xunta destina 2,9 millóns de euros.
