Antón Sánchez denuncia, coincidindo co aniversario do 23F a "deriva autoritaria do Estado” e os "ataques" que se están a producir ás "liberdades e dereitos fundamentais". "Criminalízase toda discrepancia ou disenso político", afirmou nunha rolda de prensa con Emilio Cao, o mozo do Carballiño que será xulgado o vindeiro mes en Madrid e que pode ser condenado a 5 anos e 8 meses de prisión
Cáritas, Aldeas Infantiles SOS Galicia e COGAMI recibirán as Medallas do Parlamento neste 2018. O Boletín Oficial da Cámara galega publica este venres o acordo de outorgar a distinción a estas entidades, que a recibirán o vindeiro 6 de abril, no aniversario da promulgación do Estatuto de Autonomía. Nas súas dúas primeiras edicións as Medallas foron para os anteriores presidentes do Parlamento e para a comisión redactora do 'Estatuto dos Dezaseis".
The Killers, Lenny Kravitz, Jamiroquai, Two Door Cinema Club, Franz Ferdinand ou Mando Diao, no cartel do primeiro festival ligado ao Xacobeo 2021, o vindeiro xuño en Santiago. Novedades Carminha, Triángulo de Amor Bizarro, Bala, Eladio y los Seres Queridos ou Malandrómeda serán a participación galega no evento, presentado este venres. 'O son do camiño' celebrarase no Monte do Gozo e é parte dun proxecto que inclúe outros cinco concertos en cidades galegas e ao que a Xunta destina 2,9 millóns de euros.
Cando Rajoy felicitou por escrito ao autor de Fariña: "Xa o lin. Está moi documentado". O presidente do Goberno central recibiu o libro do líder de Podemos, Pablo Iglesias, e Rajoy escribiu ao xornalista Nacho Carretero unha nota de parabéns que agora é proba no proceso xudicial no que o ex-alcalde do Grove, Alfredo Bea Gondar, pretende secuestrar a obra. Cóntao Juan Luis Sánchez en eldiario.es
A Garda Civil rexistrou o avión onde viaxaba Guardiola na busca de Puigdemont. Axentes rexistraron sen identificarse o avión privado onde viaxaba o adestrador e a súa familia.
Morre un ertzaina por parada cardíaca durante os altercados entre ultras do Spartak e do Athletic en Bilbao. Houbo cinco detidos e tres feridos máis logo dunha xornada de tensión pola presenza de violentos afeccionados rusos.
Antena 3 estreará unha edición especial do primeiro capítulo de Fariña este mércores, logo do secuestro do libro no que está baseada a serie tras a denuncia do ex-alcalde do Grove.
A Policía intenta deter o humorista Joaquín Reyes pensando que era Puigdemont cando realizaba un sketch caracterizado como o ex-presidente da Generalitat.
Evaristo Varo, unha das testemuñas do caso da Hepatite C, di que "por suposto que houbo dilacións" á hora de subministrar os medicamentos e asegura que ten "documentación" que proba a súa acusación. O doutor, que foi quen denunciou o caso que fixo actuar á Fiscalía, declarou este xoves nos xulgados de Compostela.
O embaixador británico, Simon Manley, tuitea en galego tras reunirse co alcalde da Coruña, Xulio Ferreiro.
