Fálase

O BNG considera que as palabras de Feijóo sobre os indultos corresponden o nerviosismo entre os populares cara ás eleccións. “Apertou o botón do pánico, está absolutamente desnortado. Leva toda esta semana atacando a Catalunya e agora resulta que o señor Feijóo é quen quere indultar a Puigdemont”, sinalou Ana Pontón este domingo nun mitin en Ferrol, no que salientou que no PP “saben que nestas eleccións un puñado de votos pode decantar a presidencia cara ao BNG”. [Fotografía do mitin en Ferrol CC-BY-SA BNG]

• Feijóo contempla un indulto a Puigdemont tras media campaña de Rueda contra as concesións a Catalunya

José Luis Rodríguez Zapatero criticou este domingo as revelacións de Feijóo sobre os indultos e que estivese “xerando crispación, atacando o Goberno dicindo que se rompe España, a Constitución e o Estado de Dereito, e resulta que todo era unha grande hipocrisía, unha gran mentira”. Zapatero acompañou a Besteiro nun mitin en Ferrol, onde afirmou que descubrir as verdadeiras intencións do agora líder do PP estatal supoñen “a fin dunha infamia”. “Imos conseguir que o próximo 18 de febreiro os mentirosos saian do Goberno de Galicia”, sentenciou Besteiro. [Fotografía de ambos en Ferrol CC-BY-SA PSdeG]

• Feijóo contempla un indulto a Puigdemont tras media campaña de Rueda contra as concesións a Catalunya

As enquisas abren a porta á perda da maioría absoluta do PP. O inquérito de 40dB para o xornal El País coloca o partido de Rueda entre os 36 e os 40 escanos e dálle o BNG entre 22 e 25 deputados e deputadas. O PSdeG situaríase entre os 11 e 13 escanos, Democracia Ourensana entraría no Parlamento cun deputado e Sumar quedaría fóra da Cámara. 

• DATOS | Así marchan as enquisas a unha semana das eleccións: o PP baixa e sobe o BNG, que concentra o voto da esquerda

Janet Novás gaña o Goya á mellor actriz revelación por O Corno. A actriz e bailarina agradeceu o premio por este filme de Jaione Camborda "que ole a terra e sabe a vida". Novás debuta como actriz nesta película, que gañou a Cuncha de Ouro no Festival de San Sebastián. "Vai por todas as avoas!", dixo ao remate do seu agradecemento. [Fotografía © Academia de Cine]

• HEMEROTECA | 'O Corno' estréase en Galicia tras facer historia en Donostia e chega aos cines como un éxito que se sente colectivo
• HEMEROTECA | Jaione Camborda: "Aposto moito por compartir inquedanzas, gústame situarme na pregunta para compartir co espectador"
• EN VINTE | Carla Rivas. O outro gran descubrimento de 'O Corno'

A curta galega To bird or not to bird gaña o Premio Goya á mellor curtametraxe de animación. Escrita e dirixida por Martín Romero, está producida por Chelo Loureiro e Iván Miñambres.  [Fotografía © Academia de Cine]

Catro horas de tráfico interrompido na A-52 por un accidente múltiple cunha ducia de feridos e vehículos implicados. Preto das dúas do mediodía catorce coches chocaron na autovía á altura da Cañiza en sentido Benavente, houbo varios feridos no sinistro e retencións de tráfico de máis de dez quilómetros. Garda Civil, bombeiros e o helicóptero medicalizado do 061 participaron na evacuación de doce persoas, segundo a última actualización do 112-Galicia.

A Cadena SER ofrece un debate cara a cara entre Rueda e Pontón e o BNG xa confirmou a súa disposición.

• A esquerda alimenta a crenza no cambio político ante a atonía de Rueda no debate da CRTVG
• Pontón e Besteiro ratifican a súa asistencia ao debate de RTVE malia á ausencia do PP

O temporal Karlotta deixa refachos de vento de máis de 200 km/h na Mariña. En Penedo do Galo (Viveiro) alcanzáronse esta mañá os 202,3 km/h, segundo informa Meteogalicia dunha xornada con alerta naranxa en toda a costa e parte do interior. O temporal provoca o desvío de voos e numerosas incidencias en Galicia. 

O goberno de Santiago do BNG e Compostela Aberta aproba os seus primeiros orzamentos co voto a prol do PSdeG. O gabinete que encabeza Goretti Sanmartín saca adiante as contas municipais para 2024, dotadas con algo máis de 142 millóns de euros, o que as converte nas máis elevadas da historia do consistorio da capital galega. A alcaldesa defende que priorizan "políticas de vivenda, de igualdade, sociais e educativas, de sustentabilidade que recuperen o espazo para a xente e o doten de servizos".

• HEMEROTECA | ENTREVISTA - Goretti Sanmartín: "Temos a responsabilidade de sermos espello de políticas transformadoras que digan: así actúa o BNG"

Democracia Ourensana lanza un vídeo musical de campaña ao ritmo de Village People: "Ourense vai decidir. Á Xunta!"