O presidente do Parlament de Catalunya, Roger Torrent, confirma que as eleccións catalás se celebrarán o 14 de febreiro. Así o vén de anunciar nunha entrevista con RAC1
Fálase
-
O paro rexistrado descende en Galicia en 377 inscricións durante o mes de setembro, un descenso intermensual do 0,21 que é o menor de todas as comunidades autónomas e tamén menor que o dato estatal (-0,69%). O total queda en 176.574 persoas, 19.590 máis que hai un ano. No mesmo mes, a afiliación á Seguridade Social descendeu en 995 persoas e queda en 1,01 millóns (-0,10%), 17.749 afiliacións menos que doce meses antes. Mentres a media estatal avanza un 0,45%. Ampliamos a información neste espazo
O presidente dos EUA, Donald Trump, confirma que el e mais a súa esposa, Melania Trump, deron positivo por coronavirus. No comezo da pandemia, o mandatario estadounidense amosou simpatías polas teses negacionistas da pandemia ou supostos remedios para a COVID-19 sen base científica.
Coincidindo co 89º aniversario da aprobación do dereito das mulleres ao voto no Estado Español, o Consello da Cultura Galega presenta a web do Centro de Documentación en Igualdade e Feminismos, coordinado por María Xosé Porteiro, que inclúe valiosos materiais históricos dos movementos feminista e LGTBI+ en Galicia.
A Axencia Tributaria publica un novo listado de persoas e empresas que deben máis dun millón de euros á Facenda estatal. Entre elas figuran varias compañías galegas e persoas a título individual ligadas con Galicia. O documento pódese consultar nesta ligazón.
O Consello Interterritorial de Saúde aproba as restricións para rebrotes da COVID-19 en cidades de máis de 100.000 habitantes promovidas polo Ministerio de Sanidade tras as negociacións coa Comunidad de Madrid, que votou en contra. Tamén a Xunta optou polo "non" por ver a proposta "incompleta" e sen "avais técnicos" para "adaptala á situación epidemiolóxica galega". Polo momento, todas as localidades que cumpren as condicións para a imposición desas medidas reforzadas están na propia comunidade madrileña.
Falece aos 88 anos o debuxante arxentino Joaquín Salvador Lavado, Quino, coñecido mundialmente por ser o creador de Mafalda, pero tamén autor doutros moitos personaxes e obras. Imaxe divulgada nas redes sociais oficiais de Quino.
O Concello da Coruña permite aos pubs da cidade mudar "temporalmente" a súa licenza (tipo II) por outra de cafetaría, bar ou café-bar (tipo I) para "paliar os efectos do peche do lecer nocturno" por mor da COVID-19. "Existen moitas familias na cidade que viven destes negocios que levan pechados meses polas restricións autonómicas e debemos facer algo para axudalos", sinala a alcaldesa, Inés Rey, sobre unha medida que durará, polo momento, ata o 31 de xaneiro. (Na imaxe, terrazas na rúa Santo André da cidade, durante a peonalización parcial que está a aplicar o consistorio).
Berta Dávila gaña o XIV Premio Repsol de Narrativa Breve coa obra 'Illa decepción', que publicará Galaxia. A autora vén de ser distinguida co Premio da Crítica na súa modalidade de narrativa por 'Carrusel'
Os festivos en Galicia en 2021 xa son oficiais coa súa publicación no DOG este mércores. Entre eles non está o 25 de xullo por coincidir en domingo nin San Xoán, pero si San Xosé. Os concellos poden elixir outros dous días como festivos locais.
