Abel Caballero considera “xenofobia por razóns electorais” a petición de Feijóo de que se limite a entrada a Galicia a viaxeiros doutros lugares con peores cifras de coronavirus. “En Vigo queremos que veñan, porque sabemos que cando poidan viaxar estarán en condicións sanitariamente iguais ás que temos”, di o alcalde, que salienta que “isto é unha nación, isto chámase España”.
12X | Feijóo considera unha "broma" que o ingreso mínimo vital sexa "unha conquista do Goberno" do PSOE e Unidas Podemos, que o aprobou o pasado maio e está aberto a solicitudes dende onte. O presidente da Xunta e candidato á reelección polo PP equipara o IMV coa Risga para afirmar que a nova prestación "existe en Galicia desde 1991" nunha entrevista con El Economista.
As 56 candidaturas que optan a ter representación no Parlamento xa son oficiais coa súa proclamación no DOG deste martes.
Unha "avaría nas instalacións" da estación de Adif en Santiago obriga a pasaxe do tren Vigo-A Coruña a seguir viaxe en autobús, informa Renfe. A Radio Galega dá conta dun estoupido de orixe eléctrica nas vías ligado á avaría, sen persoas feridas. Na fotografía, a estación compostelá nunha imaxe de arquivo.
Achada no leito do río Sar ao seu paso por Santiago unha escultura gótica da Virxe do século XIV. A Asociación para a defensa do Patrimonio Galego explica que a figura foi atopada polo estradense Fernando Rey Quintela mentres pescaba e xa foi obxecto dunha primeira análise por varias persoas expertas en patrimonio. Xunta e Concello de Santiago desenvolven esta mañá traballos para a súa retirada. (Imaxe: Apatrigal) Ampliamos a información neste espazo
Dende hoxe pódese solicitar o Ingreso Mínimo Vital a través da Seguridade Social. Este simulador permite comprobar se a persoa solicitante cumpriría os requisitos da nova prestación estatal.
O Dépor empata co Sporting (0-0) no regreso da Liga, nun Riazor baleiro, ao igual que o resto de campos de fútbol nesta fin de semana.
España abrirá as fronteiras cos resto de países do espazo común europeo Schengen o 21 de xuño, agás con Portugal que será o 1 de xullo. Vén de comunicarllo Pedro Sánchez aos presidentes autonómicos a través de videoconferencia
O Celta perde en casa 0-1 co Villarreal e o Lugo gaña fóra 1-2 ao Racing de Santander na volta este sábado do fútbol profesional galego cos estadios baleiros. [Imaxe: RCCelta]
Xunta e Goberno central confirman que o luns deixará de estar vixente en Galicia o estado de alarma polo coronavirus, unha semana antes do prazo máximo. No seu lugar, aplicaranse as normas do decreto estatal da 'nova normalidade' e normas adicionais ditadas pola Xunta, que se publicarán mañá no DOG. Ampliamos a información neste espazo
