Máis 136.000 persoas maiores de 60 anos xa recibiron a cuarta dose da vacina contra a COVID en Galicia. Este luns rematará a vacinación do colectivo entre 80 e 84 anos e este venres comezou xa a vacinación da poboación entre 70 a 79 anos.
Fálase
- PublicidadePublicidade
O Sindicato Independiente de Trabajadores (SIT-FSI) gaña as eleccións sindicais en Stellantis Vigo (a antiga Citroën), ampliando a súa maioría con 21 delegados (un máis). UGT obtivo catro representantes (os mesmos que en 2018), a CUT tres (un menos), CCOO tres (un menos) e a CIG ficou sen representación, perdendo os seus dous delegados anteriores
- PublicidadePublicidade
Un xulgado da Coruña require ao Estado que identifique que bens do inventario do pazo de Meirás reclama na demanda presentada en Madrid. Pide que “de forma detallada e separada” indique que obxectos do inventario realizado o 11 de novembro de 2020 son obxecto da demanda que presentou a administración pola propiedade de máis de 500 bens do pazo de Meirás
- PublicidadePublicidade
A Confederación Hidrográfica do Miño-Sil declara o Pedregal de Irimia, no Concello de Meira, nova Reserva Natural Fluvial co obxectivo de "protexer esta zona de alto valor ecolóxico". A protección abranguerá 140 hectáreas deste espazo, que é un dos posibles lugares de nacemento do río Miño, unha condición que comparte coa lagoa de Fonmiñá, na Pastoriza. Nos últimos anos varias entidades denunciaron a "eucaliptización" do pedregal e a construción de parques eólicos na contorna.
- PublicidadePublicidade
CRISE DE PREZOS | A inflación moderouse en setembro ata situarse en Galicia no 9,2% interanual, case dous puntos menos que en agosto. O dato galego segue por riba da media estatal, que tamén frea máis dun punto e medio e queda no 8,9%. A diminución dos custos do transporte (coa entrada en vigor dos abonos gratuítos da Renfe e dos descontos nos autobuses) e da electricidade é clave neste descenso, mentres o groso dos prezos dos alimentos segue á alza.
- PublicidadePublicidade
O BOE publica os festivos do calendario laboral de 2023, que no caso galego inclúen o Día das Letras e o Día Nacional de Galicia, segundo o fixado pola Xunta. A estas datas hai que engadir as dúas festividades locais de cada concello.
- PublicidadePublicidade
O vicepresidente Conde substitúe dende este xoves por primeira vez a Rueda na xestión ordinaria da presidencia da Xunta. Farao ata que o presidente regrese da viaxe oficial que vén de iniciar á Arxentina e ao Uruguai e a substitución implica que hoxe presida por primeira vez a reunión do Consello da Xunta, como antes fixeran o propio Rueda, Anxo Quintana ou Alberto Núñez Feijóo en ausencia dos presidentes de cada momento [Imaxe: CC BY-SA David Cabezón / Xunta]
- PublicidadePublicidade
FÚTBOL | A selección galega de afeccionados empata coa de Hungría (1-1) e loitará polo título da Copa das Rexións da UEFA na fase final, cos oito mellores equipos do continente.
- PublicidadePublicidade
O Ministerio de Xustiza concede a nacionalidade española a Samuel Kwesi Koufie, mariñeiro de orixe ghanesa sobrevivente do naufraxio do Villa de Pitanxo. Así o recolle hoxe o BOE, que atribúe a decisión ás "circunstancias excepcionais" nas que se atopa o mariñeiro, cuxo testemuño é clave para a investigación e que difire da declaración do patrón maior e o seu sobriño.
- PublicidadePublicidade
Alfonso Rueda desprázase á Arxentina e ao Uruguai na súa primeira viaxe oficial como presidente da Xunta. Alí reunirase coas entidades galegas de emigrantes e con representantes do empresariado galego, poucos días despois de que se aprobase a reforma do voto exterior, que pon fin ao voto rogado e supón que haxa case medio millón de votos en xogo en Galicia procedentes do exterior.
- PublicidadePublicidade