Rajoy pecha o seu primeiro ano de goberno en minoría con todas as súas leis máis polémicas en vigor. O Goberno de España botou man sistematicamente dos vetos para impedir que leis promovidas pola oposición ou as comunidades autónomas chegasen a ser debatidas e puidesen ser aprobadas. Un balance de eldiario.es
Xosé Constenla faise coa XVII edición do Premio Ramón Piñeiro de Ensaio. Foi galardoado pola súa obra O colapso territorial en Galiza. Unha lectura dende o espazo da construción social do país.
Rajoy ratifica que en 2018 entrará en servizo o treito Zamora-Sanabria do AVE. O anuncio, realizado no balance político do ano do presidente do Goberno, prodúcese despois de que Adif contradixese ao ministro e anunciase nas súas previsións oficiais a apertura xa este ano 2017. O 2018 era a data prometida no Pacto do Obradoiro entre Blanco e Feijóo para o remate de toda a liña entre Galicia e a Meseta, adiado agora á próxima década.
Lugonovo advirte de que "non apoiará ningunha moción de censura liderada ou apoiada pola dereita" para desaloxar a socialista Lara Méndez da alcaldía lucense. A formación advertiuno na xuntanza co resto de grupos da oposición tras ao fío da cuestión de confianza perdida pola alcaldesa. Un improbable pacto do PP e Ciudadanos co BNG e ACE sería, daquela, a única fórmula para unha moción de censura.
Os datos definitivos do padrón ratifican que Galicia perdeu 10.000 habitantes en 2016 e fica ao bordo de baixar da barreira dos 2,7 millóns tras encadear sete descensos anuais consecutivos.
O pleno da Coruña aproba os orzamentos para 2018 cos votos favorables da Marea Atlántica e do PSOE, a abstención do BNG e o voto en contra do PP. Máis información, hoxe en Praza.gal
A Xunta publica a distribución de 1,7 millóns en axudas para os medios de comunicación en 2017. É a única convocatoria de axudas que o Goberno realiza para este sector en concorrencia competitiva xunto á específica para publicacións periódicas en galego, publicada o xoves e dotada con 197.000 euros.
Donald Trump asegura que aos Estados Unidos non lles viría mal "un pouco de cambio climático" en fin de ano para facer fronte á vaga de frío que sofre o leste do país.
Morre aos 91 anos Carmen Franco, filla do ditador. Era presidenta de honra da Fundación Francisco Franco e herdeira formal dos bens incautados polo seu pai, como o pazo de Meirás, a casa Cornide ou as esculturas da Catedral de Santiago, entre outras.
Feijóo di que Ciudadanos ten que tentar formar goberno en Catalunya e admite un “moi mal resultado” do PP que pide “analizar” para “reconstruír a confianza dos cataláns”.
