Medio Rural detecta un caso de lingua azul nunha explotación de Chantada, cuarto foco deste ano. É o primeiro animal confirmado co serotipo 3 na provincia en 2026 logo logo da detección do serotipo 8 nesa provincia no mes de xullo, sendo así a segunda en Galicia, tras A Coruña, na que se detecta circulación viral de ambos os dous serotipos.
O Concello de Santiago celebrou este mércores un acto institucional en lembranza do alcalde republicano Ánxel Casal, asasinado hai 90 anos Cacheiras tras o golpe militar. No acto, a alcaldesa, Goretti Sanmartín, reivindicou a necesidade de que “a memoria levante todas as lousas do silencio que nos impuxeron e que ninguén sinta medo por pensar e soñar un país máis xusto e máis libre”.
Galicia respira tras un martes de calor abafante, onde varias localidades do sur superaron os 42ºC. As temperaturas baixan notablemente este mércores, no que ningún concello superará os 36ºC. Tan só o val do Miño de Ourense e Valdeorras manterán a alerta laranxa.
O aire cálido sobre Galicia volve deixar altas temperaturas, sobre todo no sur do país, especialmente á beira do Miño na provincia de Ourense. As máximas volverán roldar os 35ºC-40ºC en moitas zonas, con descensos notables nos termómetros a partir de mañá mércores, segundo di Meteogalicia.
Calor abafante no sur de Galicia este luns, con temperaturas de máis de 40ºC na beira do Miño en Pontevedra e de entre 35ºC e 40ºC en Valdeorras, Ribeira Sacra, sur e Miño de Ourense, segundo informa Meteogalicia, que advirte de entre 36 e 48 horas máis de condicións extremas ata o descenso notable que se agarda para o mércores.
Alerta vermella este luns por calor na montaña de Ourense e no interior de Pontevedra, que afecta 35 concellos. A alerta laranxa esténdese á beira do Miño en Ourense, Valdeorras e Rías Baixas ou ao litoral de Pontevedra. As temperaturas superarán os 35 graos en varias localidades, unha situación extrema da que se librará o norte do país.
Nas fins de semana de agosto Praza.gal non se actualiza por descanso do persoal. Pero deixamos moito para ler e o luns estamos de volta.
O Pazo de Meirás xa é Lugar de Memoria Democrática. O BOE publica a resolución definitiva que así o declara, culminando un proceso iniciado hai un ano.
Falece o artista tudense Víctor Coyote aos 67 anos de idade. Músico, debuxante e realizador audiovisual, foi recoñecido co Chimpín de Prata á súa traxectoria na pasada edición do Festival de Cans. Entre as súas múltiples facetas artísticas destaca a experiencia como front man da banda Los Coyotes. É autor dos cómics Días de alarma (Salamandra Graphic, 2020), Entresijos (Autsaider, 2023) e El cóndor y la caníbal (Astiberri e Museo Nacional Thyssen-Bornemisza, 2024), entre outras publicacións.
A Liga apraza o partido deste sábado entre o Celta e Osasuna tras empeorar o estado do céspede de Balaídos polas "condicións climáticas dos últimos días". Os problemas por un fungo que afecta a herba do estadio vigués empeoraron pola calor das últimas semanas e obrigaron a suspender o encontro inaugural do campionato. Xogarase finalmente o vindeiro xoves, 27 de agosto, ás 20:30 horas.
