Meteogalicia advirte de calor intensa esta fin de semana no interior de Galicia, con aviso vermello en Ourense e Valdeorras. Haberá máximas por riba dos 34ºC en moitos concellos e temperaturas que superarán os 39ºC na Ribeira Sacra, Miño de Ourense e sur, Valdeorras e sur de Pontevedra. O risco de incendio será extremo en boa parte do país, como se pode ver na imaxe da Aemet.
Desarticulada unha rede que estafou case 8 millóns de euros con falsos negocios na Coruña e Madrid. Hai seis detidos e calcúlase que ata 800 persoas puideron ser enganadas.
O ministerio adxudica outro estudo de dous anos para a avaliación ambiental do AVE Ourense-Vigo por Cerdedo, que leva máis de dúas décadas con sucesivos estudos. Agora Transportes contrata un estudo informativo complementario por outro millón de euros para avanzar na avaliación ambiental aínda non obtida para o proxecto.
Case 34.000 fogares e 91.826 persoas perciben o Ingreso Mínimo Vital (IMV) en Galicia, segundo os últimos datos do Goberno de España. A contía media mensual por fogar é de 516,31 euros.
Netanyahu consegue a aprobación do gabinete de seguridade de Israel para ocupar a Cidade de Gaza. O goberno hebreo non confirma o que ocorrerá co resto da Franxa. O líder da oposición cre que a decisión é un "desastre". Foto: © Palestinian News & Information Agency (Wafa)
230 positivos por alcol ao volante na Festa do Albariño de Cambados. O dispositivo activado pola Garda Civil entre o 30 de xullo e o 3 de agosto detectou nove condutores con taxas tan elevadas que serán acusados de delito contra a seguridade viaria, nove deron positivo en drogas e dous por conducir respectivamente sen obter nunca o carné e tras perder todos os puntos.
Tras a negativa da Xunta, o Concello de Santiago asegura que cumpre os requisitos para ser zona tensionada de alugueiros e o BNG di que o Goberno galego rexeitouno para "atacar" á alcaldesa. Na imaxe, do Concello, Iago Lestegás, concelleiro de Urbanismo.
Outro incendio en Ponteceso, na parroquia de Corme Aldea, obriga a decretar a Situación 2 como prevención pola proximidade ás vivendas. Os outros incendios da zona remitiran durante a pasada noite tras queimar máis de 500 hectáreas.
Renfe usará buses para dar servizo á estación de Vigo-Guixar durante 6 fins de semana de setembro e outubro por obras de mellora da vía convencional ata Redondela. Os traballos suporá o corte da liña desde última hora de cada venres a primeira hora dos luns e afectarán aos trens Rexionais que usan Vigo-Guixar, al Alvia Vigo-Barcelona e aos trens con Porto. [Imaxe: CC-BY-SA JP Ribeiro]
Ribadavia marcou este luns a segunda temperatura máis alta de toda España, con 42,8 graos, segundo os datos da Aemet, que sitúan Ourense como a sétima localidade onde onte fixo máis calor. Meteogalicia mantén para hoxe aviso laranxa por altas temperaturas en case toda a provincia de Pontevedra. Foto: CC-BY-SA Limbuga.
