Gonzalo Caballero cumpre seis meses á fronte do PSdeG asegurando que está a cimentar “un cambio no que os galegos poden confiar”. “O PSdeG é unha forza de esquerda e traballará con outras forzas para que a dereita deixe de gobernar a Xunta”, dicía hai uns días nunha entrevista con Praza.gal na que avaliou este medio ano.
Feijóo di nun acto do PP que a política non é ser “deputado en diferido”, en referencia á polémica polos escanos de En Marea e empregando a expresión que popularizou a secretaria xeral dos populares, Dolores de Cospedal, para explicar o suposto despedimento do seu tesoureiro Luis Bárcenas. O propio PP salientou a expresión na súa nota de prensa.
Iván Ferreiro, Caxade e o 170º da Banda Municipal de Santiago, protagonistas do programa das Festas da Ascensión da capital galega. O Concello compostelán presentou este venres o programa dos festexos, que se celebran do 9 ao 13 de maio.
VÍDEO | A campaña #ImposibleSenTi volve tirar de retranca para impulsar a rivalidade sá no derbi galego do vindeiro 5 de maio en Balaídos.
A redacción de RTVE protesta tras bloquear o PP o concurso público para renovar os órganos de dirección do ente, que os populares pasaron a controlar a través da reforma que impulsaron en solitario en 2012. Todos os demais grupos do Congreso apoian a modificación. (Imaxe: Xabier Fortes)
Os traballadores da Xustiza votan desde hai hora e media se aceptan a proposta acordada entre a Xunta e catro dos tres sindicatos con representación no comité de folga e se pon fin á folga que cumpre hoxe 80 días. Ao tempo, asembleas de funcionarios en contra estanse a celebrar tamén en varias cidades con importante afluencia.
Catro dos sete sindicatos da Xustiza (UGT, CC.OO., SPJ e CSI-F) aceptan a última oferta da Xunta para poñer fin á folga, que será sometida a votación do persoal. A proposta non é secundada por Alternativas na Xustiza-CUT, CIG e STAJ. A xuntanza desta mañá rematou entre unha forte tensión entre os representantes sindicais. Consulta aquí toda a información
O movemento feminista galego convoca concentracións para esta tarde en protesta pola suavizada sentenza do xuízo contra a manada. De momento, hai convocatorias en Vigo, Ames, Compostela, Lugo, A Coruña, Pontevedra, As Pontes, Ourense, Noia, Ferrol, Vilagarcía, Cangas, Viveiro e Vilalba.
A Audiencia de Navarra condena a manada a nove anos de cadea por abuso sexual e exime os acusados do delito de violación. Os feitos tiveron lugar en xullo de 2016, durante as festas de San Fermín en Pamplona, cando unha moza denunciou ter sufrido unha agresión sexual por parte de cinco homes.
#EPA O paro aumentou en Galicia en 4.400 persoas no primeiro trimestre do ano ata as 186.500, 30.600 menos que un ano antes. No mesmo período o emprego reduciuse en 5.700 persoas ocupadas e o total da ocupación queda en 1,05 millóns, 16.500 máis que no mesmo trimestre de 2017, o que indica unha nova redución da poboación activa. Consulta aquí toda a información