O persoa da factoría de Alu Ibérica na Coruña levou a cabo unha concentración na Praza de María Pita para denunciar a "situación crítica" da planta, vendida por Parter ao Grupo Industrial Riesgo, e cuxa continuidade está no aire. Esixen a intervención do Estado para que investigue a venda e asegure a súa viabilidade. Imaxe: CC.OO.
Defende A Galega volve esixir unha "investigación independente" sobre o vídeo dun off the record da ministra de Igualdade que acabou en poder do diario ABC e pide "non manchar o nome da CRTVG" no 107º venres negro. O colectivo e o comité de empresa piden explicacións á dirección sobre unhas imaxes que só estiveron en poder da ETB e da TVG.
Pontevedra regresará á "normalidade" cun concerto especial de Xabier Diaz & Adufeiras de Salitre e Guadi Galego o vindeiro 4 de xullo. A actuación terá lugar no exterior do Pazo da Cultura, para un máximo de 600 persoas. As entradas estarán á venda a partir do mércores 10 de xuño. O Concello busca impulsar a reactivación cultural da cidade con este e outros eventos.
O Concello de Vigo prorroga cinco anos a concesión a Vitrasa do transporte urbano. O Goberno local anunciara un novo concurso público ao remate da actual concesión de 25 anos, vixente desde 1995, coa que se renovara a adxudicación orixinal de 1968.
Juan Miguel Diz Guedes, ex-conselleiro de Fraga e ex-delegado de Aznar, deixa a política tras ser elixido concelleiro por Ciudadanos hai un ano en Tui, onde foi alcalde nos oitenta.
O persoal de Alu Ibérica na Coruña congratúlase pola convocatoria da mesa de seguimento dos acordos pechados tras a venda da factoría no Ministerio de Industria. "Se estamos xuntos nisto, as cousas empezan a funcionar", sinalou o presidente do comité de empresa, Juan Carlos López Corbacho, ao remate do peche desenvolvido durante a xornada de onte no Concello da Coruña, onde recibiron o apoio do goberno local e do resto da corporación.
12X | A Xunta mantén para as eleccións do 12X as mesmas subvencións aos partidos que no 5A, con mil euros máis por escano que hai catro anos. Logo de baixar as subvencións electorais un 20% nas galegas de 2012, hai cinco anos o PP subiunas en solitario un 33% e para os comicios de abril actualizounas con outro 4,7% que agora mantén.
Un terremoto de 3 graos de magnitude con epicentro en Tordoia foi percibido contra as 23:18 da pasada noite en boa parte da provincia da Coruña. Na imaxe, o epicentro sinalado cunha estrela e mais as notificacións recibidas polo IGN. Máis información, nesta ligazón.
O Congreso aproba a sexta prórroga do estado de alarma polo coronavirus por 177 votos a prol, 155 en contra e 18 abstencións. Pedro Sánchez xa avanzara que a súa intención é que esta sexa a "prórroga definitiva", a través dun texto que sitúa o groso das competencias do desconfinamento nas comunidades autónomas en canto entren na fase 3, solicitude que Galicia xa formulou. (Imaxe: Congreso)
A Deputación de Lugo rexistra a candidatura do cineasta Oliver Laxe para unha das Medallas Castelao 2020. O presidente da institución lucense, José Tomé, destaca "o seu labor no impulso do Novo Cinema Galego", pero tamén "o seu compromiso e implicación na defensa de promoción do medio rural galego, sobre todo na comarca dos Ancares". Hai uns meses, o director d'O que arde relatou para VINTE o seu proxecto cultural e comunitario que está a impulsar na aldea ancaresa da que procede a súa familia.
