O novo responsable das investigacións de accidentes proposto por Fomento rexeita reabrir a de Angrois. O enxeñeiro que presidirá a CIAF di que esta, en contra do que opina a Axencia Ferroviaria Europea, foi independente na análise na que culpou o maquinista. Fernando Montes quedou ratificado no cargo cos votos a prol de PP, Ciudadanos e PNV, abstención do PSOE e voto en contra de Unidos Podemos e Compromís. Consulta aquí toda a información
Este mércores volve a invernía e con ela, a neve a boa parte de Galicia. As nevaradas prolongaranse cando menos ata o xoves. Debúllao 4gotas.com
VÍDEO | O regreso da selección feminina de fútbol sala, en "película". A Federación Galega de Fútbol resume neste vídeo os mellores momentos da reestrea do combinado galego, que o pasado 8 de marzo goleou a selección catalá por 6-2
Representantes de nove concellos das comarcas de Ferrolterra e Coruña participaron na xuntanza que busca conformar unha fronte común para a mellora da comunicación por ferrocarril entre as dúas cidades. Acordouse demandar a construción do bypass de Betanzos (que aforraría 8 minutos na viaxe), un incremento de frecuencias e mellor coordinación con FEVE e autobuses.
O cadro de persoal de Pescanova convoca unha manifestación este martes coincidindo co segundo día de folga. A marcha arrincará de Vía Norte ás 10.00 horas e rematará na zona bancaria no cruce de Colón
A Confederación de Empresarios de Ourense pospón a súa escisión da CEG (que xa completaron os empresarios de Pontevedra) pero bloqueará o mandato de Antón Arias. A CEG ameaza con retirarlles as subvencións aos críticos se non acoden ás reunións
As tres universidades galegas e a Xunta pactan planificar de forma conxunta as titulacións nos vindeiros anos. Os centros aceptan que a creación dun novo grao non implicará a suma de máis prazas, senón que levará aparellada a desaparición doutro grao ou o recorte doutros. Primará a adaptación "a novos perfís profesionais" e a especialización dos campus
Os cinco principais candidatos ás eleccións francesas participaron este luns pola noite no primeiro debate televisado da campaña, a 35 días dos comicios. Macron foi o máis convicente, e Hamon o menos, segundo unha enquisa
O BNG pecha o prazo de candidaturas á súa Asemblea cunha "única lista de consenso", a encabezada por Ana Pontón como portavoz nacional. A Executiva amplíase de 15 a 19 membros "coa vista posta" nas municipais. Pontón debullou nesta entrevista con Praza.gal os "retos" da formación cara á cita asemblear da vindeira fin de semana.
A Xunta eloxia a Baltar e coida que cómpre "agradecer moitísimo a súa vontade de implicarse" en acordos co Goberno galego. Afirmouno o vicepresidente, Alfonso Rueda, tras a recepción ao titular da Deputación de Ourense por parte do presidente da Xunta, que se prolongou durante máis de dúas horas. O ourensán realizou unha "detección perfecta dos asuntos nos que podemos colaborar", di Rueda.
