A xustiza valida a convocatoria de eleccións de Díaz Ayuso en Madrid. O Tribunal Superior de Justicia de Madrid (TSJM) rexeita as medidas cautelarísimas solicitadas pola Mesa da Deputación Permanente da Asemblea de Madrid.
Fálase
-
A Xunta presenta un recurso á sentenza do Pazo de Meirás ao considerar "acreditado" que a posesión do inmoble por parte da familia Franco "foi de mala fe". O Goberno autonómico únese así aos recursos presentados polo Concello de Sada, a Deputación da Coruña o o Estado.
Centos de hostaleiros reclaman "un plan de rescate real" nunha mobilización en Santiago. A Plataforma na Defensa da Hostalaría Galega presenta un documeno no que reivindican un plan "a medio prazo" e "reformas lexislativas" no sector.
Máis de 9.000 persoas foron vacinadas xa durante a mañá na primeira xornada de vacinación masiva en Galicia. Os profesionais sanitarios administran a dose a "doce persoas por minuto" na Coruña.
Os Franco alegan que a sentenza da Audiencia Provincial recoñece que ocuparon de maneira "pública e pacífica" Meirás durante máis de 30 anos no seu recurso ao Supremo. Os herdeiros do ditador ampáranse, como na contestación á demanda do Estado, na inacción das administracións durante décadas.
En marcha a vacinación masiva contra a COVID en varias vilas e cidades de Galicia, coa que se abre unha fase de aceleración da inmunización no país. As persoas entre 50 e 55 anos reciben a primeira dose en espazos como a Cidade da Cultura, Expocoruña ou o IFEVI en Vigo.
Adif prevé o remate da intermodal de Vigo-Urzáiz en febreiro do próximo ano e comeza o traslado dos espazos para viaxeiros do edificio provisional aberto en 2015 ás novas instalacións. A vella estación de Vigo-Urzáiz foi derrubada en 2011 e a nova non estará rematada ata máis dunha década despois.
A oposición tomba os orzamentos do goberno local de Santiago e o alcalde vincularaos a unha cuestión de confianza. O socialista Xosé Sánchez Bugallo anuncia que recorrerá ao procedemento que lle permitirá aprobar as contas se o resto de grupos non son quen de acordar unha moción de censura. O Pleno deste venres tamén aprobou a modificación do plan de urbanismo para limitar os pisos de uso turístico.
Os concellos con restricións altas e máximas pola COVID-19 serán só 9 dende o vindeiro luns ás 00:00. O nivel máximo de restricións, con peche perimetral individual, veto a encontros de non conviventes e peche da hostalería continuará na Mezquita, Boborás, Vilardevós, Pontecesures e Paradela. No nivel alto estarán só Sobrado, Soutomaior, Arteixo e Chantada. O resto de Galicia queda no nivel medio. Así o vén de confirmar a Xunta. Podes consultar nesta ligazón o novo mapa de restricións.
O BOE publica as normas contra a COVID para a ponte de San Xosé e a Semana Santa acordadas no Consello Interterritorial de Saúde. As de "obrigado cumprimento" que atinxen a Galicia son o peche perimetral autonómico, o toque de recollida "máximo" de 23h a 6h e a limitación de encontros a 6 persoas non conviventes en espazos abertos e 4, en pechados. "En espazos privados, as reunións limitaranse a conviventes", engade. A Xunta pode engadir outras medidas máis flexibles ou restritivas sobre este marco xeral.
- INTERACTIVO | Restricións da Xunta pola COVID dende hoxe, 12 de marzo
