O IGADI (Instituto Galego de Análise e Documentación Internacional) celebra o seu 30 aniversario cun acto no Consello da Cultura Galega no que participan algúns dos seus investigadores e colaboradores e tamén reprensentantes do mundo da política, a cultura ou os negocios. Nesta ducia repasamos algúns dos principais fitos das tres décadas de actividade deste think tank galego especializado na análise xeopolítica internacional.
O Ministerio para a Transición Ecolóxica abre unha consulta pública para a reforma da tarifa da luz.
A UCI confirma o regreso da Volta a Galicia, agora denominada Gran Camiño, que disputarán dez equipos de elite do 24 ao 27 de febreiro.
O TSXG avala a Xunta para esixir o certificado COVID para acceder aos locais de lecer nocturno. O tribunal considera xustificada a medida por aplicarse en lugares onde aumenta o risco de transmisión do virus e está limitada no tempo e destaca que ningún establecemento estará obrigado a pedir a documentación, pois só a requirirán aqueles “favorecidos por unha ampliación de capacidade e de horario”.
Vigo acolleu este xoves unha homenaxe a Alfonso Álvarez Gándara, falecido a comezos de agosto. Unha placa lembra o lugar do seu despacho de avogado. [Imaxe: @SXPL]
O Ensino de Lugo fai historia ao clasificarse para a fase de grupos da Eurocup. O equipo galego remontou con claridade ante o Campobasso italiano.
Laureano Araujo recibiu este xoves o XIX Premio Plácido Castro de Tradución por Schlump, Erwin: Homicidio, do escritor suizo Friedrich Glauser. O galardón foi entregado no Día Internacional da Tradución na sede da fundación en Cambados.
Un traballador de Vestas irá en bicicleta de Viveiro a Dinamarca para reclamar que non se peche a planta. Alejandro Paleo, ex-ciclista profesional co Xacobeo-Galicia, prevé chegar ao destino en quince días tras percorrer 2.800 quilómetros, nunha ruta que poderá ser seguida polas redes sociais. Foto: CIG.
A Xunta confirma no DOG a ampliación ao 80% da capacidade máxima en eventos deportivos en recintos pechados e ao 100%, no exterior. Ademais, matiza a obriga de manter distancia de seguridade de 1,5 metros en diversas actividades en interiores: cando non sexa posible mantela, prohibe beber ou comer e sinala a obriga de "adecuada ventilación" e demais medidas hixiénicas, alén do uso da máscara. As mudanzas están en vigor dende as 00:00 do sábado, 2 de outubro.
O director José Luis Cuerda, falecido hai ano e medio, é nomeado fillo adoptivo da provincia de Ourense coincidindo coa celebración do Ourense Film Festival (OUFF).
