Fálase

Este mércores levouse a cabo a cuarta xornada de folga nas escolas infantís privadas e de xestión indirecta en Galicia, un paro que os sindicatos convocantes cualifican de "éxito" e que foi acompañado de mobilizacións. As traballadoras protestan polo convenio colectivo asinado por algunhas organizacións e que, denuncian, non soluciona a "precariedade" do sector, non que boa parte do persoal apenas cobra o salario mínimo. Tras a xuntanza da mesa de negociación do vindeiro 24 de novembro CIG, CCOO e SNEP valorarán a convocatoria de novas xornadas de folga.

• Convocan catro días de folga no ensino infantil de 0 a 3 anos pola mellora dos salarios e do convenio colectivo

Pedro Sánchez anuncia a gratuidade do transporte público para menores e persoas paradas e a extensión da baixada do IVE aos alimentos ata o vindeiro mes de xuño. Tamén anunciou un novo estatuto dos traballadores e a redución da xornada laboral. Pode seguir aquí a primeira xornada da súa sesión de investidura. 

Comeza a primeira xornada da sesión de investidura de Pedro Sánchez no Congreso dos Deputados. Pódese seguir aquí 

Ás 12 do mediodía comeza o pleno de investidura de Pedro Sánchez como presidente do Goberno de España, para o que ten apalabrados 179 votos, 3 máis dos necesarios e 7 máis dos que logrou Feijóo en setembro. Pola tarde comezarán as intervencións dos grupos parlamentarios e as réplicas e a votación está prevista contra o mediodía do xoves. A sesión pode seguirse en directo na web do Congreso.

• Sánchez apalabra 179 votos para a súa investidura, 7 máis dos que logrou Feijóo

Democracia Ourensana, o partido de Gonzalo Pérez Jácome, presentará como candidato nas eleccións galegas a Armando Ojea, tenente de alcalde e home de confianza do rexedor ourensán. Na imaxe, de DO, Ojea, á dereita, con Jácome, á esquerda.

• Democracia Ourensana concorrerá ás eleccións galegas buscando "ser decisivos" no próximo Goberno

Os sistemas informáticos do Sergas e parte da telefonía están interrompidos desde as 17.51 horas deste martes afectando a todo tipo de consultas e servizos médicos. Os servizos técnicos non prevén recuperar os servizos caídos ata a medianoite. 

A comarca de Ferrolterra, a máis afectada polas fortes chuvias das últimas horas. Neda e Fene son os concellos con máis incidencias polo desbordamento de varios ríos e inundacións en vivendas. Foto: Concello de Ferrol. 

O PP aproba unha reforma exprés do regulamento do Senado para frear a lei de amnistía. Feijóo reúne a prensa estranxeira para denunciar "a deterioración da democracia en España". 

O PSOE rexistra en solitario a proposición de lei de amnistía no Congreso. O texto leva só a sinatura dos socialistas malia que a idea era contar coa de Sumar, BNG, ERC, Junts, PNV e EH Bildu. 

• A lei de amnistía di buscar solución "desde a política" ao "conflito" e reivindica o respecto á Constitución

As traballadoras da limpeza en Lugo rexeitan a oferta da patronal e manteñen a folga. As limpadoras desbotaron por unanimidade a última proposta por ser "absolutamente insuficiente" e seguirán co paro, que está a piques de facer un mes. 

• As traballadoras da limpeza en Galicia rebélanse contra a súa precariedade