O PSOE sería a primeira forza do Congreso tras as xerais do 28 de abril. A segunda sería o PP, á alza pola caída na expectativa de voto de Ciudadanos e da formación de extrema dereita Vox. Podemos ocuparía a cuarta posición cunha trintena de escanos, segundo a enquisa de Celeste-Tel para eldiario.es, que augura 3 escanos para En Marea.
O xuíz envía a prisión comunicada e sen fianza o ex-presidente de Xóvenes Agricultores no marco da operación contra a trata de mulleres na que foi detido. Fontes do TSXG confirman que xunto a Juan Pérez Miramontes foi encarcerada outra das persoas detidas na operación. O resto quedan en liberdade con comparecencias quincenais nos xulgados e foilles retirado o pasaporte.
Unidas Podemos propón unha auditoría ao franquismo para devolver os "bens espoliados", como o Pazo de Meirás. A formación propón tamén retirar medallas a torturadores como Billy el Niño e "anular" os xuízos franquistas.
Este mércores botaron a andar as actividades do Carballo Interplay, que chegarán ata o sábado. Velaquí unha ducia de gifs para non perder(se) no festival de contidos audiovisuais
O Goberno aproba por maioría os decretos sociais a pesar das manobras de PP e Ciudadanos. O Congreso avala as reformas de igualdade, desemprego e mercado do alugueiro cos votos favorables dos partidos que investiron a Pedro Sánchez
Té con Gotas publica o seu novo podcast desde o Reino Unido. Desta volta analiza a política de vivenda en UK e entrevista a Iria Carreira, unha deseñadora que participa na construción da nova sede de Google en Inglaterra.
As inscricións nas oficinas de emprego reducíronse en 2.868 o pasado marzo en Galicia, ata as 170.841. Son 14.262 menos que un ano antes. No mesmo mes o número medio de cotizantes na Seguridade Social volveu superar o millón de persoas ao aumentar en 7.094; son 19.521 máis que doce meses antes. Toda a información, hoxe en Praza.gal.
O PP da Coruña afirma que o alcalde, Xulio Ferreiro, ten "a culpa" do incremento das violacións na cidade. Afirmouno a voceira municipal dos populares, Rosa Gallego, durante o pleno celebrado onte. Radio Coruña ofrece a gravación das súas palabras. Os delitos contra a liberdade sexual aumentan cada ano no conxunto de Galicia. Máis información, nesta ligazón
O BOE publica a convocatoria das eleccións europeas e confirma que España elixirá só 54 escanos, os que tiña antes do Brexit. A convocatoria estipula que os cinco escanos adicionais que correspondían á circunscrición española será asignados cando "sexa efectiva a saída" do Reino Unido da UE, no caso de que finalmente se produza.
Policía adscrita á Xunta e axentes forestais ratifican que a orixe do incendio de Dodro e Rianxo foron "faíscas" procedentes "da instalación de distribución de enerxía eléctrica" nunha torre de alta tensión en Bexo. "Alí detectouse unha avaría nun poste do que saían chispas que caían ao chan, onde se sitúa o inicio do incendio" que arrasou 1.162 hectáreas. Naturgy, antiga Fenosa, negou a pasada semana que a orixe do lume estivese nas súas instalacións.