Fálase

O BNG solicita constituír grupo parlamentario no Congreso con Junts per Catalunya, Más País-Equo e Compromís baixo o nome Grupo Parlamentario Múltiple. A formación subliña que o fan por "criterios operativos e non ideolóxicos" e "funcionará de facto como un grupo mixto". Ao non facer parte do Grupo Mixto, estas formacións -se a Mesa do Congreso acepta a proposta- gañarán visibilidade, tempos de intervención e recursos no Congreso. A primeira voceira sería Laura Borràs (Junts) e o vicevoceiro, Íñigo Errejón, se ben prevén que estes postos sexan "rotatorios".

O fiscal superior de Galicia, Fernando Suanzes, anuncia que solicitará a creación de fiscalías anticorrupción na Coruña e Pontevedra e promoverá a creación dunha fiscalía especializada en delitos económicos. Afirmouno durante a súa comparecencia no Parlamento para presentar a memoria anual do Ministerio Público en Galicia. A decisión depende, en última instancia, da Fiscalía Xeral do Estado.

• HEMEROTECA | Media década a agardar por unha Fiscalía Anticorrupción en Galicia

A operación de reflote do Blue Star rematou "sen danos medioambientais", segundo asegura a Delegación do Goberno en Galicia, que destaca un dispositivo no que participaron 250 persoas. 

Alberto Fernández comeza a exercer como presidente da Arxentina coa toma de posesión e o nomeamento do gabinete ministerial que substitúe ao de Mauricio Macri.

O PSdeG expulsará os dous edís de Mugardos que militan no partido e asinaron a moción de censura co PP, dando a alcaldía da vila ao popular Juan Domingo de Deus este martes. A dirección socialista prevé tamén esixir a acta aos tres membros do seu grupo neste concello -unha delas non milita no PSdeG-, segundo confirman fontes do partido a Praza.gal. (Imaxe: retransmisión TVG)

Yolanda Díaz ratifica ao rei "o voto favorable de Galicia en Común á investidura de Pedro Sánchez" no marco do pacto do PSOE con Unidas Podemos. En rolda de prensa xunto a Antón Gómez-Reino tras a xuntanza co xefe do Estado, afirma que transmitiu ao monarca as prioridades "sociais" do Goberno de coalición e as "demandas de Galicia" na vindeira lexislatura estatal, destacan.

Os remolcadores logran desencallar o Blue Star da costa de Ares 18 días despois do seu embarrancamento. Un novo intento coincidindo coa preamar consegue retirar o buque das rochas. Toda a información e vídeo, neste espazo

PSOE e Esquerra "constatan avances" na negociación para a investidura de Pedro Sánchez tras o seu terceiro encontro, celebrado hoxe en Barcelona. Así o afirman nun comunicado conxunto asinado por PSOE, PSC e ERC. Os partidos prevén novos encontros.

O popular Juan Domingo de Deus, novo alcalde de Mugardos tras triunfar a moción de censura presentada por populares e socialistas contra a alcaldesa de EU, Pilar Díaz, que dimitiu dúas horas antes do debate. A moción de censura carecía de aval da Executiva Nacional do PSdeG. (Imaxe: retransmisión TVG)

O Blue Star permanece encallado tras fracasar un novo intento para reflotalo na pasada madrugada. "Non se deron as circunstancias para tirar durante a pleamar", aclara a Delegación do Goberno en Galicia, que asegura que a operación "retomarase nos vindeiros días", cando as condicións permitan volver intentalo.