12X | Galicia en Común denuncia ante a Xunta Electoral ao Goberno galego e ao PP "por infrinxir de forma clara, flagrante, reiterada e maliciosa" a lei electoral coa campaña publicitaria 'Galicia volve' e co anuncio do bono de 250 euros para que persoal sanitario e de servizos sociais faga gasto na hostalaría. Ambas accións, coida Antón Gómez-Reino, foron lanzadas "con afán partidista, procurando o beneficio para o PP" con recursos "que son de todos".
Efectivos de emerxencias do Concello de Brión buscan dende as 6 da mañá un touro fuxido dunha corte na parroquia de Bastavales. "Membros do GES e do Concello de Brión están a rastrexar a zona na busca do animal", informa o consistorio.
O Parador da Costa da Morte, en Muxía, prometido tras o Prestige, abre ao público este xoves co 100% reservado para xullo e agosto con tarifas de 200 euros a noite sen almorzo.
Alcoa segue adiante co ERE en San Cibrao e rexeita o plan de viabilidade a dez anos proposto polo Ministerio de Industria. Este xoves iniciarase o proceso de negociación para o despedimento colectivo de 543 traballadores. O Comité de empresa convocou tamén para mañá unha concentración de protesta ante a Subdelegación do Goberno en Lugo
Coas obras aínda rematándose e como presidente da Xunta, non como candidato do PP, Feijóo visita a planta láctea de Curtis que anunciou tamén na precampaña de hai catro anos. Se daquela recibira aos directivos da empresa no despacho oficial de San Caetano, agora incluíu unha visita á planta na axenda oficial.
O Revenidas adía definitivamente a súa celebración ao verán do 2021 por mor do coronavirus. O festival de Vilaxoán de Arousa celebrarase os días 10, 11 e 12 de setembro do vindeiro ano. Con todo, este setembro terá lugar un "Revenidas en conserva", un formato reducido do festival con concertos e outras actividades ligadas á cultura mariñeira da zona. As entradas para o 2020 servirán para o 2021, pero se alguén quere solicitar a devolución do importe do seu abono, poderá facelo ao longo deste mes de xullo.
O Goberno central medita volver decretar o estado de alarma se os brotes se agravan. A vicepresidenta Carmen Calvo advirte de que o Executivo será "contundente para protexer a saúde".
12X | Correos fai chegar dende hoxe a documentación ao electorado que xa solicitou o voto por correo nas eleccións galegas. O prazo para solicitalo está aberto ata o día 2 de xulllo.
Verín, convertido nun autocine, acolleu este domingo a proxección de María Solinha, a última película de Ignacio Vilar, estreada nos últimos días ao aire libre en Redondela e Cangas. Este verán os autocines viaxarán por un gran número de localidades de toda Galicia como unha medida para previr contaxios de coronavirus.
O alcalde de Ribadeo celebra cos seus homólogos da Veiga (Vegadeo) e Castropol a reapertura do paso na linde entre Galicia e Asturias dende este domingo pola fin do estado de alarma polo coronavirus tamén en territorio asturiano. "Por fin os da Mariña podemos ir ao Occidente e viceversa, sigamos mantendo as precaucións e actuemos con xeito, non vaia ser o demo que teñamos que volvernos separar", afirmou Fernando Suárez (BNG). Na imaxe, con César Álvarez, rexedor da Veiga.
