Javier Espinosa, Ricardo García Vilanova e Marc Marginedas recibiron este mércores en Ferrol o premio José Couso, polo seu labor como reporteiros en zonas de conflito, un traballo cada vez peor pagado e con máis riscos polo que permaneceron secuestrados durante meses en Siria. Falamos con eles.
CCOO e UGT piden unha resposta "masiva", a CIG chama a "facerlle fronte á UE" e a CUT reivindica "o espírito do 22M" nas diferentes marchas que percorrerán as rúasnun Día da Clase Traballadora marcada polas "terroríficas" cifras do paro en Galicia. Consulte os horarios das manifestacións.
O pasado 21 de marzo Alberto Rendo, de Narón, protestou contra os elevados e crecentes prezos da AP9. Chegou á peaxe e comunicou que non tiña intención de pagar, polo que foi multado con 280 euros. Recolleu a súa acción en tres vídeos que publicou posteriormente e advirte de que continuará coa súa loita.
As Marchas da Dignidade galegas concéntrase en sedes da antiga INEM en Compostela, Vigo e A Coruña. "Parado que non loita, ninguén o escoita", aseguran.
Ehsan Ullah Khan, presidente da Fronte de Liberación do Traballo Forzado e importante activista paquistaní, visitou a sede da multinacional galega en Arteixo para mostrarlle a súa preocupación polas condicións laborais dos talleres téxtiles no sur de Asia.
A Plataforma Veciñal na Recuperación do Patrimonio Termal rexistrou un recurso de alzada dirixido á Consellaría de Industria polo proxecto de saneamento da burga Lume de Deus, unha das dúas termas de acceso público na localidade, un uso público que se vería ameazado.
Case 4.000 persoas con problemas de corazón e cando menos 2.000 pacientes con cancro tiveron que viaxar entre 2011 e 2013 pola carencia de unidades de hemodinámica, radioterapia e medicina nuclear no HULA. Feijóo prometeu na inauguración do centro estes equipamentos, cuxa instalación é unha obriga legal dende o pasado marzo.
Parten do caso de Arturo un neno con autismo escolarizado no CEIP Salgado Torres da Coruña, pero advirten que "é un máis dos moitos que últimamente se dan nos colexios públicos de Galicia e que están directamente relacionados coa diminución de orzamentos para a educación".
Salvemos Cabana denuncia os "insuficientes" datos achegados pola Xunta e reclama os resultados das analíticas feitas na antiga mina, logo de que a Administración lle confirmase a toxicidade das augas de cando menos unha das balsas.