Expertos e activistas debateron en Poio sobre os problemas e ameazas do espazo rural e as propostas e accións para protexelo e dinamizalo. O acto pechouse coa sinatura da Alianza por un medio rural galego vivo”, que queda aberta a adhesións doutras entidades que traballen a prol da reactivación do rural.
O 23 de abril de 1937 nove persoas -socialistas, anarquistas, galeguistas e comunistas- que tentaban fuxir a Francia dende o Berbés no bou Eva, perderon a vida ao ser descubertos polas autoridades fascistas. Preferiron suicidarse a entregárense. A asociación cultural viguesa á que lle dá nome a embarcación organiza un recital poético este luns, a partir das oito e media no Berbés.
O Foro Galego de Inmigración denuncia que a decisión, aprobada no Consello de Ministros do venres, de incrementar os requisitos para acceder á tarxeta sanitaria afecta a 600 mil persoas migrantes que no conxunto do Estado aínda non regularizaron a súa situación.
Máis dun milleiro de persoas rexeita en Lalín a construción dunha planta incineradora de residuos no Irixo, pero tamén en calquera outro punto de Galicia. En dúas semanas, a aposta por un novo modelo de xestión do lixo chegará ao Parlamento en forma de iniciativa lexislativa popular. Galería de imaxes no interior
No premio organizado pola ONG poden participar todas as persoas que o desexen cun artigo de opinión inédito, único e orixinal escrito en galego ou un artigo, tamén en galego, xa publicado nalgún xornal impreso ou dixital. O tema para o certame é o necesario cambio de papel da sociedade do Norte para erradicar a pobreza e a desigualdade nos países do Sur dende unha perspectiva de xénero. Praza Pública colabora no certame.
A Fundación Calidade, dependente de Industria, comeza a utilizar a reforma laboral para botar por "razóns produtivas" a unha traballadora que agarda un fillo. Na mesma semana, o Goberno galego insistiu en que os "non nacidos" serán considerados "membros da unidade familiar" para solicitar axudas, en virtude da lei impulsada polo Foro Español de la Familia.
José Pasín foi un dos principais piares do obreirismo compostelán de primeiros do século XX. No 1916 presidiu a Federación de Sociedades Obreras y Agrícolas de Santiago, foi o primeiro concelleiro obreiro da cidade, en 1909, e entre 1931 e 1934, tenente de alcalde. Dionisio Pereira reivindica a súa figura no libro José Pasín Romero: Memoria do proletariado militante de Compostela
Este venres e sábado celébranse en Pontevedra as Xornadas por un Medio Rural Galego Vivo, que analizarán a súa situación dende distintas perspectivas: reforma da PAC, as políticas de emprego do rural, as políticas ambientais ou a xestión dos montes comunais. Ademais, constituirase unha Alianza de traballo entre ADEGA, CIG, FRUGA e as comunidades de montes.
O semanario Sermos Galiza comezará a funcionar o vindeiro xoves 26 na rede e publicará o seu primeiro número en papel ao redor do 17 de maio. A súa redacción, formada por cinco xornalistas, afirma que a cabeceira "ten a vontade de sumar esforzos e de converterse tamén en rede de colectivos e persoas. Queremos ser o seu altofalante”
Vitaminas para o Galego, a plataforma na que colaboran 24 medios de comunicación na lingua propia, organiza un festival na Gentalha do Pichel, no que actuará Terbutalina e que comezará cun festival poético a cargo de Olalla Cociña, Xia Arias, Alicia Fernández e Gonzalo Hermo. As entradas saen a só 4 euros (5 o día do concerto) e haberá unha fila cero para os que queiran colaborar aínda máis a 10 euros. Todos os beneficios do festival serán destinados a sufragar o mantemento da propia campaña e dos medios en galego, que nos últimos anos sufriron importantes baixas.